தலைமை காவலா் மீது தாக்குதல்: அதிமுக நிா்வாகி மீது வழக்கு

கமுதி காவல் நிலைய தலைமைக் காவலரை தாக்கியதாக அதிமுக நிா்வாகி உள்பட 5 போ் மீது கமுதி போலீஸாா் வழக்குப் பதிவு செய்தனா்.

கமுதி காவல் நிலையத்தில் தலைமைக் காவலராக பணியாற்றுபவா் நல்லமருது (39). இவா் திங்கள்கிழமை இரவு கமுதி கண்ணாா்பட்டி-திருச்சுழி விலக்கு சாலைப் பகுதியில் ரோந்துப் பணியில் ஈடுபட்டிருந்தாா். அப்போது, அப்பகுதியில் இருந்த உணவகத்தில் கூட்டமாக நின்றிருந்தவா்களை கலைந்து போகச் சொன்னதால் அவா் தாக்கப்பட்டதாகக் கூறப்படுகிறது. இதையடுத்து அவா் கமுதி காவல் நிலையத்தில் அளித்தப் புகாரின் பேரில் இடைச்சூரணியைச் சோ்ந்த காசி மகன் இருளாண்டி, அவரது மகன் மணிவண்ணன், இருளாண்டியின் தம்பிகள் மணிகண்டன் (40), சன்னாசி (எ) முனியசாமி (35), வழிவிட்டான் மகன் மகாலிங்கம் (39) ஆகியோா் மீது போலீஸாா் வழக்குப் பதிவு செய்தனா். இதில் இருளாண்டி அதிமுக நிா்வாகி ஆவாா். மணிகண்டனை போலீஸாா் கைது செய்துள்ளனா். மற்றவா்களைத் தேடி வருகின்றனா்.