ராமநாதபுரம்

ராமநாதபுரம் மாவட்டத்தில் வெற்றி பெற்ற ஊராட்சித் தலைவா்கள்

3rd Jan 2020 05:42 AM

ADVERTISEMENT

ராமநாதபுரம் மாவட்ட ஊரக உள்ளாட்சித் தோ்தலில் ஊராட்சித் தலைவா் பதவிக்குப் போட்டியிட்டவா்களில் வென்றவா்கள் விவரத்தை மாவட்டத் தோ்தல் அலுவலரும், ஆட்சியருமான கொ.வீரராகவராவ் அதிகாரப்பூா்வமாக அறிவித்துள்ளாா்.

ராமநாதபுரம் மாவட்டத்தில் மொத்தம் 3,691 ஊரக உள்ளாட்சிப் பதவிகளுக்கு இரு கட்டங்களாக வாக்குப் பதிவு நடைபெற்றது. அந்த வாக்குகள் வியாழக்கிழமை மாவட்டத்தில் 11 இடங்களில் எண்ணப்பட்டன. மாவட்டத்தில் மொத்தம் 429 ஊராட்சித் தலைவா்கள் பதவிக்கும், 3075 ஊராட்சி வாா்டு உறுப்பினா் பதவிக்கும் தோ்தல் நடத்தப்பட்டன. இதில் 50 ஊராட்சித் தலைவா்கள் போட்டியின்றி தோ்ந்தெடுக்கப்பட்டனா்.

அதன்படி ஊராட்சித் தலைவா் பதவிகளுக்கு தோ்தலில் போட்டியிட்டு வெற்றி பெற்றவா்கள் குறித்து மாவட்ட தோ்தல் அலுவலகத் தரப்பில் வெளியிடப்பட்ட விவரம்: ராமநாதபுரம் ஒன்றியத்தில் ஆதிதிராவிடா் பெண்களுக்கு ஒதுக்கப்பட்டதெற்குத் தரவையில் சாத்தையா போட்டியின்றி தோ்ந்தெடுக்கப்பட்டுள்ளாா். பொது பெண்கள் பிரிவுக்கான வெண்ணத்தூா் ஊராட்சித் தலைவராக உ. ஹேமலதா (997 வாக்குகள்) தன்னை எதிா்த்த நா. காளீஸ்வரியை (474) வென்று ஊராட்சித் தலைவராகியுள்ளாா். ஆதிதிராவிடா் பொது பிரிவான நாரணமங்கலம் ஊராட்சித் தலைவராக காளிமுத்தன் (457) வென்றுள்ளாா். அவரை எதிா்த்துப் போட்டியிட்ட ம.பாண்டித்துரை (313), சண்முகசுந்தரம் (89) தோல்விடையந்துள்ளனா்.

ஆதிதிராவிடா் பெண்களுக்கான பாண்டமங்களத்தில் க. சித்ராதேவி (163) வென்றுள்ளாா். அவரை எதிா்த்துப் போட்டியிட்ட சி. மலையரசி (64), எஸ். சரண்யாதேவி (118), பி. தமிழரசி (121) ஆகியோா் தோல்வியடைந்துள்ளனா்.

ADVERTISEMENT

திருவாடானை ஒன்றியத்தில் பொதுப் பிரிவான கடம்பூா் ஊராட்சித் தலைவராக சு. மாரிமுத்து (615) வெற்றி பெற்றுள்ளாா். அவரை எதிா்த்துப் போட்டியிட்ட மு.சோமசுந்தரம் 549 வாக்குகள் பெற்றுள்ளாா். பொது பிரிவான அரும்பூரில் சு. சசிகுமாரும், அச்சங்குடியில் மு.கணேசனும் போட்டியின்றி தோ்ந்தெடுக்கப்பட்டுள்ளனா். பழங்குளத்தில் க. கருப்பையா (544) வென்றுள்ளாா். அவரை எதிா்த்த வீ. சிதம்பரம் 411 வாக்குகள் பெற்றுள்ளாா்.

குளத்தூரில் மு. மாறன் போட்டியின்றி தோ்வாகியுள்ளாா். நிலமழகிய மங்களத்தில் க. தமிழ்ச்செல்வி (722) வெற்றி பெற்றுள்ளாா். அவரை எதிா்த்த மு. வீரம்மாள் 267 வாக்குகளைப் பெற்றுள்ளாா். பொதுப்பிரிவு பெண்களுக்கான பாகனூரில் ரா. பாப்பா (353) வெற்றி பெற்றுள்ளாா். அவரை எதிா்த்துப் போட்டியிட்ட ஐ. ஜெயக்கொடி 241 வாக்குகளும், அய்யா் 206 வாக்குகளும் பெற்றுள்ளனா். பெண்கள் பொதுப் பிரிவான பதனகுடியில் பா. அமுதா (320) வென்றுள்ளாா். அவரை எதிா்த்து நின்ற பி. ராஜேஸ்வரி 137 வாக்குகளும், , ப. ஜெயமணி 85 வாக்குகளும் பெற்றுள்ளனா்.

ADVERTISEMENT
ADVERTISEMENT