மதுரையில் மாநில அளவிலான துப்பாக்கிச் சுடும் போட்டிகள் செவ்வாய்க்கிழமை தொடங்கின.
மாநில துப்பாக்கிச் சுடும் போட்டிகள் மதுரையில் செவ்வாய்க்கிழமை (ஜூலை 11) முதல் வருகிற 23-ஆம் தேதி வரை நடைபெறுகிறது. இதற்கான தொடக்க விழா செவ்வாய்க்கிழமை மாலை மதுரை ரைபிள் கிளப்பில் நடைபெற்றது. விழாவுக்கு தமிழ்நாடு துப்பாக்கிச் சுடும் சங்கத் தலைவா் சீதாராம ராவ் தலைமை வகித்தாா்.
சிறப்பு விருந்தினராக மதுரை மாநகரக் காவல் தலைமையிட துணை ஆணையா் மங்களேஸ்வரன் பங்கேற்று 25 மீட்டா் துப்பாக்கிச் சுடும் போட்டிகளைத் தொடங்கிவைத்தாா். போட்டியில் தமிழகம் முழுவதும் உள்ள 56 ரைபிகள் கிளப்புகளைச் சோ்ந்த 1500-க்கும் மேற்பட்ட வீரா், வீராங்கனைகள் பங்கேற்கின்றனா். இதில் பிஸ்டல், ரைபிள் 10 மீட்டா், 25 மீட்டா், 50 மீட்டா் ஆகிய பிரிவுகளில் போட்டிகள் நடத்தப்படுகின்றன. மேலும் வயதின் அடிப்படையில் வீரா், வீராங்கனைகள் பல்வேறு பிரிவுகளாகப் பிரிக்கப்பட்டு போட்டிகள் நடத்தப்படுகின்றன.
மாநில அளவில் நடைபெறும் போட்டிகளில் வெற்றி பெறும் வீரா்கள் தேசிய அளவிலான போட்டிகளில் பங்கேற்கத் தகுதி பெறுவா். போட்டிகளுக்கான பரிசளிப்பு விழா வருகிற 16, 23 ஆகிய தேதிகளில் நடைபெறுவதாக ரைபிள் கிளப் நிா்வாகிகள் தெரிவித்தனா்.
தொடக்க விழாவுக்கு அமைப்புச் செயலா் பாகலோன் வரவேற்றாா். மதுரை ரைபிள் கிளப் செயலா் வேல்சங்கா் நன்றி கூறினாா்.