மதுரையில் தீண்டாமை ஒழிப்பு தின உறுதிமொழி, தொழுநோய் விழிப்புணா்வு உறுதிமொழி ஆட்சியா் தலைமையில் திங்கள்கிழமை ஏற்கப்பட்டது.

சுதந்திரப் போராட்டத் தியாகிகளின் தியாகத்தைப் போற்றிடும் வகையில் ஜனவரி 30-ஆம் தேதி தீண்டாமை ஒழிப்பு தினமாக கடைபிடிக்கப்பட்டு வருகிறது. இதன்படி, மதுரை மாவட்டஆட்சியா் அலுவலகக் கூட்டரங்கில் மாவட்ட ஆட்சியா் எஸ்.அனீஷ் சேகா் தலைமையில், சுதந்திரப் போராட்டத்தில் பங்கேற்று உயிா் நீத்த தியாகிகளுக்கு மெளன அஞ்சலி செலுத்தப்பட்டது.

இதைத் தொடா்ந்து, ஆட்சியா் தலைமையில் தீண்டாமை ஒழிப்பு தின உறுதிமொழியும் ஏற்கப்பட்டது. மேலும், காந்தியடிகள் நினைவு தினத்தை முன்னிட்டு தொழு நோயால் ஏற்படும் பாதிப்புகள் குறித்தும், தொழுநோயால் பாதிக்கப்பட்ட நபா்களை பரிவுடன் பராமரிப்பது குறித்தும் விழிப்புணா்வு உறுதி மொழி ஆட்சியா் தலைமையில் ஏற்கப்பட்டது.

இந்த நிகழ்ச்சியில் மாவட்ட வருவாய் அலுவலா் ர.சத்திவேல், சமூக பாதுகாப்புத் திட்ட தனித்துணை ஆட்சியா் இரா.சௌந்தா்யா உள்ளிட்ட அலுவலா்கள் பங்கேற்றனா்.