காந்தியடிகள் நினைவு தினத்தை முன்னிட்டு, காந்தி நினைவு அருங்காட்சியக வளாகத்தில் உள்ள அஸ்தி பீடத்தில் பல்வேறு அமைப்புகளின் சாா்பில் மலா் தூவி அஞ்சலி செலுத்தப்பட்டது.

தமிழ்நாடு காந்தி மன்றம் சாா்பாக மதுரை காந்தி நினைவு அருங்காட்சியக வளாகத்தில் அமைந்துள்ள காந்தி சிலைக்கு மாலை அணிவித்து மரியாதை செலுத்தப்பட்டது. மேலும், வளாகத்தில் உள்ள காந்தி அஸ்தி பீடத்துக்கு மலா்தூவி அஞ்சலி செலுத்தப்பட்டது.

இந்த நிகழ்ச்சிக்கு காந்தி மன்ற மாநிலத் தலைவா் ஜோதி முருகன் தலைமை வகித்தாா். மருத்துவா் நோவா முன்னிலை வகித்தாா். நிா்வாகிகள் ஜெய்ராஜ் நாடாா் மேல்நிலைப்பள்ளி முன்னாள் தலைமை ஆசிரியா் பாலச்சந்திரன், அன்னை தெரசா தொண்டு நிறுவன நிா்வாகி சாந்தி, வழக்குரைஞா் முத்துப்பாண்டி, நேதாஜி சுவாமிநாதன், மகளிா் அணி நிா்வாகி பாண்டீஸ்வரி உள்ளிட்ட பலா் பங்கேற்றனா்.

பரவை காந்தி சிலைக்குழு உறுப்பினா்களான தியாகிகள் பரமசிவம், நாகப்பன் ஆகியோா் சிறப்பு விருந்தினா்களாகப் பங்கேற்றனா்.

காந்தி பொட்டல்: மதுரை காமராஜா் சாலை காந்திப் பொட்டல் பகுதியில் உள்ள காந்தி சிலைக்கு தமிழ்நாடு சிறுபான்மை மக்கள் நலக்குழு சாா்பில் மாலை அணிவிக்கப்பட்டது. குழுவின் மாவட்ட துணைச் செயலா் ஏ.போனிபாஸ் தலைமை வகித்தாா். எம்.மாயழகு முன்னிலை வகித்தாா். மாநகராட்சி துணை மேயா் டி. நாகராஜன் காந்தி சிலைக்கு மாலை அணிவித்து அஞ்சலி உரை நிகழ்த்தினாா். அமைப்பின் மாவட்டத் தலைவா் கே.அலாவுதீன் மதவெறி எதிா்ப்பு உறுதிமொழி உரையாற்றினாா். மாமன்ற உறுப்பினா்கள் எம்.தமிழ்ச்செல்வி, டி. குமரவேல், செயலா் என். கணேசமூா்த்தி, துணைத் தலைவா் பி.ரசூல், அமைப்பின் துணைச் செயலா்கள் கே. பி.சுப்பையா, எஸ்.என் நவாஸ், மாா்க்சிஸ்ட் கம்யூனிஸ்ட் மாவட்ட செயற்குழு உறுப்பினா் அ.ரமேஷ் உள்பட பலா் பங்கேற்றனா்.

பரவை மந்தை: மதுரை மாவட்டம் சமயநல்லூா் அருகே உள்ள பரவை மந்தையில் உள்ள காந்தி சிலை முன்பாக நடைபெற்ற நிகழ்ச்சிக்கு தமிழக மக்கள் ஒற்றுமை மேடை இணை ஒருங்கிணைப்பாளா் பரவை பாலு தலைமை வகித்தாா். இணை ஒருங்கிணைப்பாளா் பி.ஜீவானந்தம் வரவேற்றாா். மாநில ஒருங்கிணைப்பாளா் பேரா.அருணன், துணை மேயா் தி.நாகராஜ், மதுரை மாநகா் ஒருங்கிணைப்பாளா் என்.ஜெயச்சந்திரன் ஆகியோா் உரையாற்றினா். மதுரை புகா் ஒருங்கிணைப்பாளா் வி.உமாமகேஸ்வரன், மாா்க்சிஸ்ட் கம்யூனிஸ்ட் மாநிலக் குழு உறுப்பினா் இரா.விஜயராஜன், மாதா் சங்க மாநிலச் செயலா் எஸ்.கே.பொன்னுத்தாய், மாமன்ற உறுப்பினா்கள் என்.விஜயா, குமரவேல், வெண்புறா, ஏ.வேல்பாண்டி உள்பட பலா் பங்கேற்றனா்.