மதுரை செல்லூரில் உள்ள மாநகராட்சி தொடக்கப் பள்ளியில் மாநகராட்சி, பிரம்மா குமாரிகள் அமைப்பின் சாா்பில் இலவச மருத்துவ முகாம் ஞாயிற்றுக்கிழமை நடைபெற்றது.

இந்த முகாமை மதுரை மாநகராட்சி மேயா் வ. இந்திராணி தலைமை வகித்து தொடக்கிவைத்தாா். பிரம்மா குமாரிகள் அமைப்பின் மதுரை துணை மண்டல சேவை ஒருங்கிணைப்பாளா் உமா, மதுரை மாநகராட்சி வடக்கு மண்டலத் தலைவா் அ. சரவண புவனேஸ்வரி ஆகியோா் முன்னிலை வகித்தனா்.

இதில், லட்சுமி மருத்துவமனையின் மருத்துவக் கண்காணிப்பு அலுவலா் சாந்தி, மருத்துவப் பயிற்சியாளா் காா்த்திகா, பேராசிரியா் பா்வதவா்த்தினி ஆகியோா் பொதுமக்களுக்கு சிகிச்சையளித்தனா். மேலும், மருத்துவம் தொடா்பான ஆலோசனைகளை வழங்கினா்.

இம்முகாமில் அந்தப்பகுதியைச் சோ்ந்த ஏராளமானோா் கலந்து கொண்டு சிகிச்சை பெற்றனா்.