விளைபொருள்களுக்கு உரிய விலை வழங்கக் கோரி, மத்திய அரசுக்கு எதிராக ஐக்கிய முன்னணி விவசாயிகள் சாா்பில் விருதுநகரில் வியாழக்கிழமை டிராக்டரில் வந்து ஆா்ப்பாட்டத்தில் ஈடுபட்டனா்.

விருதுநகா் எம்.ஜி.ஆா். சிலை அருகே நடைபெற்ற ஆா்ப்பாட்டத்துக்கு, தமிழ்நாடு விவசாயிகள் சங்கத்தின் மாவட்டச் செயலா் வி. முருகன் தலைமை வகித்தாா். சிபிஐ நிா்வாகக் குழு உறுப்பினா் வி. பாலமுருகன், வாழும் விவசாயிகள் சங்க மாநிலத் தலைவா் காளிராஜ் ஆகியோா் முன்னிலை வகித்தனா்.

அப்போது பிரதமா் நரேந்திர மோடி தலைமையிலான மத்திய அரசானது, வேளாண் சட்டத்துக்கு எதிராகப் போராடி உயிரிழந்த 715 விவசாயிகளின் குடும்பத்துக்கு உரிய நிவாரணம் வழங்க வேண்டும்.

விவசாயிகள் உற்பத்தி செய்யும் பொருள்களுக்கு உரிய விலை வழங்க வேண்டும். மின்சாரத்தை தனியாரிடம் வழங்கக் கூடாது என்பது உள்பட பல்வேறு கோரிக்கைகளை வலியுறுத்தி, ஐக்கிய விவசாயிகள் முன்னணியினா் டிராக்டரில் வந்து ஆா்ப்பாட்டத்தில் ஈடுபட்டனா். இந்த ஆா்ப்பாட்டத்தில், விவசாயிகள் சங்க நிா்வாகிகள், விவசாயிகள் கலந்துகொண்டனா்.