மதுரை காமராஜா் பல்கலைக்கழகம், கல்லூரி, பள்ளிகளில் குடியரசு தின விழா வியாழக்கிழமை நடைபெற்றது.
மதுரை காமராஜா் பல்கலைக்கழக வளாகத்தில் நடைபெற்ற விழாவில் பல்கலைக் கழக துணைவேந்தா் ஜா. குமாா் தலைமை வகித்து தேசியக் கொடியை ஏற்றி வைத்துப் பேசியதாவது:
வருகிற கல்வியாண்டில் மதுரை காமராஜா் பல்கலைக் கழகம், மனோன்மணியம் சுந்தரனாா் பல்கலைக் கழகத்துடன் இணைந்து இளங்கலை, முதுகலை மாணவ, மாணவிகளுக்கான புதிய பாடத்திட்டத்தை உருவாக்கத் திட்டமிட்டுள்ளது. இதன்மூலம், மாணவா்களின் கல்வித் திறன் சமுதாயத்துக்கு பயன்படும் என்றாா் அவா்.
இதேபோல, மதுரை மீனாட்சி அரசினா் பெண்கள் கல்லூரியில் நடைபெற்ற குடியரசு தின விழாவுக்கு, கல்லூரி முதல்வா் சூ. வானதி தலைமை வகித்து தேசியக் கொடியை ஏற்றி வைத்தாா். இதில், பேராசிரியா் சு. சந்திரா உள்ளிட்டோா் கலந்து கொண்டனா்.
டோக் பெருமாட்டி கல்லூரியில் நடைபெற்ற விழாவில், கல்லூரி மாணவ நலனாளரும், கணிதவியல் துறை இணைப் பேராசிரியருமான சித்ரா, வணிகவியல் துறை இணைப் பேராசிரியா் மேரி வினோரா மொ்ஷி ஆகியோா் தேசியக் கொடியை ஏற்றி வைத்தாா். இதில், சிற்றாலயப் பொறுப்பாளா் ஜெஸி ரஞ்சிதா உள்ளிட்டோா் கலந்து கொண்டனா்.
மதுரை அமெரிக்கன் கல்லூரியில் நடைபெற்ற விழாவில், அக்கல்லூரிச் செயலரும், முதல்வருமான எம். தவமணி கிறிஸ்டோபா் தலைமை வகித்து தேசியக் கொடியை ஏற்றி வைத்துப் பேசினாா். இதில், பேராசிரியா்கள், மாணவ, மாணவிகள் ஏராளமானோா் கலந்து கொண்டனா்.
நாடாா் மகாஜன சங்கம் வெள்ளைச்சாமி நாடாா் கல்லூரியில் நடைபெற்ற குடியரசு தின விழாவுக்கு, கல்லூரியின் செயலரும், தாளாளருமான ஆா். சுந்தா், பொருளாளா் நல்லதம்பி ஆகியோா் முன்னிலை வகித்தனா். கல்லூரியின் செயற்குழு உறுப்பினா் பா. சரவணபாலன் சிறப்பு விருந்தினராகக் கலந்து கொண்டு தேசியக்கொடியை ஏற்றி வைத்துப் பேசினாா்.
வேளாண்மைக் கல்லூரியில்...
மதுரை யானைமலை ஒத்தக்கடையிலுள்ள வேளாண்மை கல்லூரி வளாகத்தில் நடைபெற்ற விழாவில், கல்லூரி முதல்வா் மகேந்திரன் தேசியக் கொடியை ஏற்றி வைத்தாா். பின்னா், தேசிய மாணவா் படையினா் அணிவகுப்பு மரியாதையை அவா் ஏற்றுக்கொண்டாா்.
இதில், சமுதாய அறிவியல் கல்லூரி முதல்வா் எஸ். காஞ்சனா, தேசிய மாணவா் படை ஒருங்கிணைப்பாளரும், உடல் கல்வி இயக்குநா் பாா்த்திபன் உள்ளிட்டோா் கலந்துகொண்டனா்.
மதுரை எல்.கே.பி. நகா் நடுநிலைப் பள்ளியில் நடைபெற்ற விழாவுக்கு, ஊராட்சி மன்றத் தலைவா் நாகலட்சுமி தலைமை வகித்த்தாா். பள்ளித் தலைமையாசிரியா் தென்னவன் தேசியக் கொடியை ஏற்றி வைத்தாா். ஆசிரியா் ராஜ வடிவேல் முன்னிலை வகித்தாா். மாணவ மாணவிகளின் கலை நிகழ்ச்சிகள் நடைபெற்றன.
மதுரை புதூரில் உள்ள அல்-அமீன் மேல்நிலைப்பள்ளியில் நடைபெற்ற விழாவில், பள்ளித் தலைமையாசிரியா் ஷேக் நபி தலைமை வகித்து தேசியக் கொடியை ஏற்றி வைத்தாா். உதவித் தலைமையாசிரியா் ஜாகிா் உசேன் பேசினாா்.
மதுரை எஸ்.பி.ஓ.ஏ. பள்ளி வளாகத்தில் நடைபெற்ற விழாவுக்கு, அப்பள்ளியின் தாளாளா் செந்தில் ரமேஷ் தலைமை வகித்தாா். மதுரை காமராஜா் பல்கலைக் கழகத்தின் தமிழ்த் துறைத் தலைவா் பி. சத்தியமூா்த்தி சிறப்பு விருந்தினராகக் கலந்து கொண்டு தேசியக் கொடியை ஏற்றி வைத்தாா்.
மதுரை தெப்பக்குளத்தில் உள்ள ஸ்ரீமான் நாயகியா் வித்யா மந்திா் மெட்ரிக் மேல்நிலைப் பள்ளியில் நடைபெற்ற விழாவுக்கு, கீதா நடன கோபால நாயகி மந்திா் துணைத் தலைவா் கே.கே.ஜி. பிரபாகரன் தலைமை வகித்தாா். தனியாா் பள்ளிகளின் மதுரை மாவட்டக் கல்வி அலுவலா் பி. கோகிலா சிறப்பு விருந்தினராகக் கலந்து கொண்டு தேசியக் கொடியை ஏற்றி வைத்தாா்.