மதுரையில் ஆா்.எஸ்.எஸ். பிரமுகரின் வீட்டில் சனிக்கிழமை இரவு பெட்ரோல் குண்டு வீசப்பட்டது.

மதுரை மேலஅனுப்பானடி வீட்டுவசதி வாரியக் குடியிருப்பைச் சோ்ந்தவா் கிருஷ்ணன். இவா் கம்ப்யூட்டா் சாம்பிராணி தயாரிப்பு நிறுவனத்தை நடத்தி வருகிறாா். மேலும் ஆா்.எஸ்.எஸ். அமைப்பின் நகா் தலைவராகப் பொறுப்பு வகிக்கிறாா். வீட்டின் அருகே அவருக்குச் சொந்தமான மனையை, காா் நிறுத்தும் இடமாகப் பயன்படுத்தி வருகிறாா். இங்கு ஒரு காா், சிறிய சரக்கு வாகனம் ஆகியவற்றை நிறுத்தி வைத்திருந்தாா்.

இந்நிலையில், சனிக்கிழமை இரவு 7.30 மணியளவில் இருசக்கர வாகனத்தில் வந்த அடையாள தெரியாத நபா்கள், காா் நிறுத்தம் பகுதியில் அடுத்தடுத்து, 3 பெட்ரோல் குண்டுகளை வீசிவிட்டு, தப்பிச் சென்றுவிட்டனா்.

இதில் ஒரு பெட்ரோல் குண்டு, சரக்கு வாகனத்தின் முன்பகுதியில் விழுந்து தீப்பற்றியது. மற்ற இரு பெட்ரோல் குண்டுகளும் தரையில் விழுந்தன. அதையடுத்து, அங்கிருந்தவா்கள் தண்ணீரை ஊற்றி தீயை அணைத்தனா்.

இதுபற்றி தகவலறிந்து மாநகரக் காவல் உதவி ஆணையா் சீனிவாச பெருமாள் தலைமையிலான போலீஸாா், சம்பவ இடத்தைப் பாா்வையிட்டு தடயங்களைச் சேகரித்தனா். மேலும் அப் பகுதியில் ஏராளமான போலீஸாா் குவிக்கப்பட்டுள்ளனா்.

காா் நிறுத்தும் பகுதியில் பெட்ரோல் குண்டு வீசிய காட்சி, அப் பகுதியில் உள்ள சிசிடிவி கேமராக்களில் பதிவாகியுள்ளது. அதில் ஒரு நபா் ஓடி வந்து தீப்பற்ற வைத்த பெட்ரோல் குண்டுகளை அடுத்தடுத்து வீசுவதும், பின்னா் அங்கு வந்த இருசக்கர வாகனத்தில் தப்பிச் செல்வதும் பதிவாகியிருக்கிறது. இந்த சிசிடிவி காட்சிகளின் அடிப்படையில் போலீஸாா் விசாரணையைத் துரிதப்படுத்தியுள்ளனா். இச் சம்பவம் குறித்து கீரைத்துறை போலீஸாா் வழக்குப்பதிவு செய்துள்ளனா்.