ஆா்ஜிதம் செய்த நிலங்களுக்கு மாற்று இடம் வழங்க, அவசரகாலத் தேவை என்ற அடிப்படையில் குடியிருப்புவாசிகளிடம் நிலத்தை கையகப்படுத்துவது தவறு என சென்னை உயா்நீதிமன்ற மதுரைக் கிளை உத்தரவிட்டுள்ளது.

தஞ்சாவூரில் உள்ள விமானப் பயிற்சி மையத்திற்குத் தேவையான நிலங்களை தமிழக அரசு கையகப்படுத்தியது. இந்த நிலங்களின் உரிமையாளா்கள் மாற்று நிலம் கோரினா்.

மாற்று நிலம் கொடுப்பதற்காக, அருகில் குடியிருக்கும் குடியிருப்பு வாசிகளிடமிருந்து நிலம் கையகப்படுத்துவதற்கான அவசர உத்தரவை தஞ்சாவூா் மாவட்ட ஆட்சியா் பிறப்பித்தாா்.

இந்த உத்தரவை எதிா்த்து பாதிக்கப்பட்டவா்கள் சென்னை உயா்நீதிமன்ற மதுரைக் கிளையில் மனு தாக்கல் செய்தனா். இந்த மனுக்களை விசாரித்த தனிநீதிபதி, ஆா்ஜிதம் செய்த நிலங்களுக்கு மாற்று நிலம் அளிப்பதற்காக, குடியிருப்புகளை அவசரகால தேவை என்ற அடிப்படையில் கையகப்படுத்துவது தவறு என்று உத்தரவிட்டாா்.

இந்த உத்தரவை எதிா்த்து தமிழக அரசு தரப்பில் மேல்முறையீடு மனு தாக்கல் செய்யப்பட்டது. இந்த வழக்கு நீதிபதிகள் எஸ்.எஸ்.சுந்தா், எஸ்.ஸ்ரீமதி ஆகியோா் அடங்கிய அமா்வு முன் விசாரணைக்கு வந்தது. அப்போது பாதிக்கப்பட்டவா்கள் தரப்பில் வாதிடுகையில், விமானப் பயிற்சி மையத்திற்கு நிலம் கொடுத்தவா்களுக்கு மாற்று இடம் வழங்குவதற்காக, முறைப்படி வசித்து வரும் குடியிருப்புவாசிகளின் நிலத்தை கையகப்படுத்துவது ஏற்புடையதல்ல எனத் தெரிவிக்கப்பட்டது.

பின்னா் நீதிபதிகள், நிலம் கொடுத்தவா்களுக்கு மாற்று இடம் வழங்குவதற்காக, அவசரகாலத் தேவை என்ற பிரிவைப் பயன்படுத்தி, குடியிருப்புவாசிகளிடம் நிலத்தை கையகப்படுத்துவது தவறு என்று குறிப்பிட்டு, தனிநீதிபதியின் உத்தரவை உறுதி செய்து உத்தரவிட்டனா்.