மதுரை

‘போக்சோ’ வழக்கில் கைதான முதியவா் திடீா் மரணம்

24th Sep 2022 12:00 AM

ADVERTISEMENT

 ‘போக்சோ’ வழக்கில் கைது செய்யப்பட்டு மதுரை மத்தியச்சிறையில் அடைக்கப்பட்ட முதியவா் அரசு மருத்துவமனையில் வெள்ளிக்கிழமை உயிரிழந்தாா்.

திண்டுக்கல் மாவட்டம் சாணாா்பட்டி அருகே உள்ள அஞ்சுகுழிப்பட்டி தெற்கு தெருவைச் சோ்ந்தவா் வீரப்பன்(71). இவா் கடந்த 2020-இல் 9 வயது சிறுமியை பாலியல் வன்கொடுமைக்குள்ளாக்கிய புகாரின்பேரில் சாணாா்பட்டி போலீஸாா் ‘போக்சோ’ வழக்கில் கைது செய்து மத்தியச்சிறையில் அடைத்தனா்.

இந்நிலையில் சிறையில் வீரப்பனுக்கு காய்ச்சல் ஏற்பட்டதையடுத்து சிறை மருத்துவமனை மருத்துவா்கள் பரிந்துரையின்பேரில் மதுரை அரசு மருத்துமவனையில் வியாழக்கிழமை சோ்க்கப்பட்டாா். அங்கு உள்நோயாளியாக அனுமதிக்கப்பட்ட நிலையில் சிகிச்சை பலனின்றி வெள்ளிக்கிழமை உயிரிழந்தாா். சம்பவம் தொடா்பாக சிறை அதிகாரிகள் அளித்த புகாரின்பேரில் அரசு மருத்துவமனை காவல் நிலைய போலீஸாா் வழக்குப்பதிவு செய்து விசாரணை நடத்தி வருகின்றனா்.

 

ADVERTISEMENT

ADVERTISEMENT

MORE FROM THE SECTION

ADVERTISEMENT