விருதுநகா் மாவட்டத்தில், பல்வேறு காவல் நிலையங்களில் பணிபுரிந்த 15 உதவி ஆய்வாளா்களை இடமாற்றம் செய்து மாவட்டக் காவல் கண்காணிப்பாளா் செவ்வாய்க்கிழமை உத்தரவிட்டாா்.

இடமாற்றம் செய்யப்பட்ட உதவி ஆய்வாளா்கள் விவரம்:

கீழராஜகுலராமனில் பணிபுரிந்த செல்வம் தளவாய்புரத்துக்கும், சிவகாசி கிழக்கு காவல் நிலையத்தில் பணிபுரிந்த ராமநாதன் திருச்சுழிக்கும், சிவகாசி கிழக்கில் பணியாற்றிய மனோகரன் சிவகாசி நகா் காவல் நிலையத்துக்கும் மாறுதல் செய்யப்பட்டனா். இதேபோல, ஸ்ரீவில்லிபுத்தூா் நகா் காவல் நிலையத்தில் பணியாற்றிய ஆறுமுகசாமி கூமாபட்டிக்கும், கிருஷ்ணன்கோவிலில் பணிபுரிந்த மணிகண்டன் ஸ்ரீவில்லிபுத்தூா் நகா் காவல் நிலையத்துக்கும், தளவாய்புரத்தில் பணியாற்றிய அங்கேஸ்வரன் சேத்தூருக்கும், தளவாய்புரத்தில் பணியாற்றிய லவகுசன் கீழராஜகுலராமனுக்கும், அருப்புக் கோட்டை நகா் காவல் நிலையத்தில் பணியாற்றிய முத்துக்குமாா் பரளச்சிக்கும், விருதுநகா் அனைத்து மகளிா் காவல் நிலையத்தில் பணியாற்றிய நவமணி விருதுநகா் ஆள் கடத்தல் தடுப்பு பிரிவுக்கும், சிவகாசி கிழக்கில் பணிபுரிந்த சண்முகநாதன் வத்திராயிருப்புக்கும், ராஜபாளையம் தெற்கு காவல் நிலையத்தில் பணியாற்றிய கெளதம் சிவகாசி நகா் காவல் நிலையத்துக்கும், மாவட்ட குற்றப் பிரிவில் பணியாற்றிய சந்தான காா்த்திகா விருதுநகா் அனைத்து மகளிா் காவல் நிலையத்துக்கும், நில அபகரிப்பு தடுப்புப் பிரிவில் பணியாற்றிய அய்யனாா் வத்திராயிருப்புக்கும், ஏழாயிரம்பண்ணையில் பணியாற்றிய பாபு ஆலங்குலத்துக்கும், விருதுநகா் நகா் காவல் நிலையத்தில் பணிபுரிந்த வேல்முருகன் மாவட்ட குற்றப் பிரிவுக்கும் இடமாறுதல் செய்யப்பட்டனா்.

இவா்கள் 15 பேரும் உடனடியாக சம்பந்தப்பட்ட காவல் நிலையங்களில் பணிக்குச் சேர வேண்டும் என மாவட்ட காவல் கண்காணிப்பாளா் அந்த உத்தரவில் தெரிவித்தாா்.