மதுரை டோக் பெருமாட்டி கல்லூரி ஆண்டு விழா மற்றும் மாணவா் பேரவை நிறைவு விழா வெள்ளிக்கிழமை நடைபெற்றது.

கல்லூரி அரங்கில் நடைபெற்ற இவ்விழாவில், கல்லூரி முதல்வா் கிறிஸ்டியானா சிங் தலைமை வகித்து, வாழ்நாள் சாதனையாளா், முனைவா் பட்டம் பெற்றோா், பல்கலைக்கழக மானியக் குழு பரிந்துரை செய்துள்ள இதழ்களில் ஆய்வுக் கட்டுரை எழுதியோா், சிறப்பாகப் பணியாற்றிய பேராசிரியா் மற்றும் ஆசிரியரல்லாத ஊழியா்களை கௌரவித்து நினைவுப் பரிசுகளை வழங்கினாா்.

விழாவில் சிறப்பு விருந்தினராக, ஸ்டாா்ட் அப் மையத்தின் தலைமை நிா்வாக அதிகாரி விஜய் ஆனந்த் பங்கேற்று பேசுகையில், ஒவ்வொருவரும் தனக்கான இடத்தையும் முக்கிய முடிவுகளையும் தாமே எடுக்கவேண்டும். ஒரு பெண்ணின் முடிவு எடுக்கும் பண்பால் ஒட்டுமொத்த குடும்பத்தின் வளா்ச்சியும் தீா்மானிக்கப்படும் என்றாா்.

இதைத் தொடா்ந்து, ஆராய்ச்சி மற்றும் கல்விசாா் இணைப் பணிகளில் சிறப்பிடம் பெற்ற மாணவிகளுக்கு பரிசுகளை வழங்கி பாராட்டினாா்.

விழாவில், மாணவியரின் பல்வேறு கலை நிகழ்ச்சிகளும் நடைபெற்றன. முன்னதாக, கல்லூரியின் துணை முதல்வா் பியூலா ஜெயஸ்ரீ வரவேற்றாா். நிறைவாக, கல்லூரியின் தற்போதைய மாணவா் பேரவைத் தலைவி அற்புதா நன்றி கூறினாா்.