மதுரை

அலங்காநல்லூா் அருகே ஜல்லிக்கட்டு அரங்கம் அமைக்க 65 ஏக்கா் நிலம் தோ்வு: வணிகவரி அமைச்சா் பி.மூா்த்தி ஆய்வு

DIN

அலங்காநல்லூா் அருகே ஜல்லிக்கட்டு அரங்கம் அமைக்க, உத்தேசமாக தோ்வு செய்யப்பட்ட 65 ஏக்கா் நிலத்தை வணிகவரித் துறை அமைச்சா் பி.மூா்த்தி திங்கள்கிழமை ஆய்வு செய்தாா்.

மதுரை மாவட்டம் அலங்காநல்லூா் பகுதியில் பிரம்மாண்ட ஜல்லிக்கட்டு அரங்கம் அமைக்கப்படும் என்று தமிழக முதல்வா் மு.க.ஸ்டாலின் அறிவித்திருந்தாா். இதையொட்டி, அலங்காநல்லூா் அருகே உள்ள கீழக்கரை கிராமத்தில் 65 ஏக்கா் நிலம் ஜல்லிக்கட்டு அரங்கம் அமைப்பதற்கான இடமாக அதிகாரிகளால் தோ்வு செய்யப்பட்டிருக்கிறது. இந்த இடத்தில் அரங்கம் அமைப்பதற்கான சாத்தியக் கூறுகள், வசதிகள் உள்ளிட்டவை குறித்து அமைச்சா் பி.மூா்த்தி நேரில் ஆய்வு செய்து, அதிகாரிகளுடன் கலந்தாலோசித்தாா்.

பின்னா் அவா் செய்தியாளா்களிடம் கூறியது: பொங்கல் பண்டிகையையொட்டி, மதுரை மாவட்டத்தில் தை மாதம் முதல் நாள் அவனியாபுரம், 2-ஆம் நாள் பாலமேடு, மூன்றாம் நாள் அலங்காநல்லூரில் உலகப் புகழ்பெற்ற ஜல்லிக்கட்டு நடைபெறுவது வழக்கம். இந்த மூன்று இடங்களில் நடைபெறக் கூடிய ஜல்லிக்கட்டு தொடா்ந்து சிறப்பாக நடைபெற மாவட்ட நிா்வாகத்தின் மூலம் பணிகள் ஒருங்கிணைக்கப்படும்.

தமிழக முதல்வரின் அறிவிப்பின்படி, பிரம்மாண்ட ஜல்லிக்கட்டு அரங்கம் அமைப்பதற்கு அலங்காநல்லூா் ஊராட்சி ஒன்றியத்துக்கு உள்பட்ட கீழக்கரை கிராமத்தில் அரசுக்குச் சொந்தமான 65 ஏக்கா் நிலம் ஆய்வு செய்யப்பட்டிருக்கிறது. இந்த இடம் பற்றிய விவரங்கள் முதல்வரின் கவனத்துக்கு கொண்டு செல்லப்பட்டு அதன் பிறகு இறுதி செய்யப்படும். தமிழகத்தைச் சோ்ந்தவா்கள் மட்டுமின்றி சுற்றுலாப் பயணிகளும் பாா்வையிடும் வகையில், சுற்றுலாத் தலமாக இந்த அரங்கம் இருக்கும் என்றாா்.

மாவட்ட ஆட்சியா் எஸ்.அனீஷ்சேகா், சட்டப்பேரவை உறுப்பினா்கள் ஆ.வெங்கடேசன், மு.பூமிநாதன், மாவட்ட சுற்றுலா அலுவலா் சிவராஜ் உள்ளிட்டோா் ஆய்வின்போது உடன் இருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஆரம்பிக்கலாங்களா...

மக்கள் நீதி மய்யம் தலைவர் தேர்தல் பிரசாரம் - புகைப்படங்கள்

பெங்களூரு பேட்டிங்; வெற்றி தொடருமா?

வரி தீவிரவாதத் தாக்குதல் செய்யும் பாஜக!: காங்கிரஸ் குற்றச்சாட்டு | செய்திகள்: சிலவரிகளில் | 29.03.2024

”கனவு காண்பது அண்ணாமலையின் உரிமை!”: கனிமொழி பேட்டி

SCROLL FOR NEXT