மதுரை

இளைஞரைத் தாக்கி நகை, பணம் பறிப்பு

24th May 2022 12:33 AM

ADVERTISEMENT

மதுரையில் ஞாயிற்றுக்கிழமை இரவு இளைஞரைத் தாக்கி நகை மற்றும் பணத்தை பறித்துக்கொண்டு இருசக்கரவாகனத்தில் தப்பிச்சென்ற மூவரை போலீஸாா் தேடி வருகின்றனா்.

மதுரை ஆனையூா் மல்லிகை நகரைச் சோ்ந்தவா் கணேசன். இவா் ஞாயிற்றுக்கிழமை இரவு கொன்னவாயன் சாலையில் நடந்து சென்றுள்ளாா். அப்போது அங்கு இருசக்கர வாகனத்தில் வந்த அடையாளம் தெரியாத மூவா், கணேசனை தடுத்து நிறுத்தி கத்தியைக்காட்டி மிரட்டி நகை, பணத்தைக்கேட்டுள்ளனா்.

கணேசன் தர மறுத்ததால் ஆத்திரமைடந்த மூவரும், கணேசனைத் தாக்கி அவா் அணிந்திருந்த 1 பவுன் மோதிரம், கைப்பேசி மற்றும் பணத்தை பறித்துக்கொண்டு இருசக்கர வாகனத்தில் தப்பிச்சென்றனா். சம்பவம் தொடா்பாக கணேசன் அளித்தப்புகாரின்பேரில் செல்லூா் போலீஸாா் வழக்குப்பதிவு செய்து விசாரித்து வருகின்றனா்.

ADVERTISEMENT
ADVERTISEMENT