பிற்பட்டோா் நலத்துறை விடுதி சமையலா் பணி நியமனத்துக்கு நடத்தப்பட்ட தோ்வு செல்லும் என சென்னை உயா்நீதிமன்ற மதுரைக் கிளை உத்தரவிட்டுள்ளது.

தமிழகத்தில் 29 மாவட்டங்களில் பிற்படுத்தப்பட்டோா், மிகவும் பிற்படுத்தப்பட்டோா் மற்றும் சிறுபான்மையினா் நலத்துறையால் நடத்தப்படும்

விடுதிகளில் காலியாக உள்ள 954 சமையலா் பணியிடங்களைப் பூா்த்தி செய்ய 2020-இல் நோ்காணல் நடைபெற்றது. இதில் 9 மாவட்டங்களில் 164 போ் தோ்வு செய்யப்பட்டு, பணியில் சோ்ந்துவிட்டனா். மேலும் 4 மாவட்டங்களில் 140 போ் தோ்வு செய்யப்பட்டனா். ஆனால், அவா்களுக்கு நியமன உத்தரவு வழங்கப்படவில்லை. மீதமுள்ள 16 மாவட்டங்களுக்கான நோ்காணல் முடிவுகள் வெளியிடப்படவில்லை. இந்நிலையில், சமையலா் காலியிடங்களுக்கான தோ்வை முழுமையாக ரத்து செய்து 2021 நவம்பா் 27 ஆம் தேதி தோ்வுக் குழுத் தலைவரான, பிற்பட்டோா் நலத்துறை இயக்குநா் உத்தரவிட்டாா். இதை எதிா்த்து விண்ணப்பதாரா்கள் பலரும் சென்னை உயா்நீதிமன்ற மதுரைக் கிளையில் மனுக்களைத் தாக்கல் செய்தனா்.

இந்த மனுக்களை விசாரித்த நீதிபதி பி.புகழேந்தி பிறப்பித்த உத்தரவு:

புதிதாக நியமிக்கப்பட்ட சமையலா்கள் தயாரித்த உணவின் தரம் குறித்த புகாா்கள் மற்றும் விடுதிகளில் பணிபுரியும் துப்புரவுப் பணியாளா்கள் நேரடி ஆள்தோ்வு மூலம் சமையலா்களாக நியமனம் செய்யக் கோரி நீதிமன்றத்தில் தொடா்ந்த வழக்குகள் ஆகிய இரு காரணங்களின் அடிப்படையில் சமையலா் தோ்வை ரத்து செய்ததாக அரசுத் தரப்பில் தெரிவிக்கப்பட்டுள்ளது. இது ஏற்புடையது அல்ல.

அனுபவம் இல்லாத சமையலா்களை நியமனம் செய்ததால் இத்தகைய புகாா் எழுந்துள்ளது எனில், அடிப்படைத் தகுதியைக் கூட கண்டறியாமல் அவா்களைத் தோ்வுக் குழு பணியமா்த்தியது எப்படி? தோ்வுக் குழுவின் இத்தகைய செயல்பாடுகளால் அரசுக்கு தேவையற்ற செலவுகளும், விண்ணப்பதாரா்களுக்கு இடையூறு ஏற்பட்டதற்கும் அக் குழுவே பொறுப்பேற்க வேண்டும். ஆகவே, தோ்வுக் குழு மீது தமிழக அரசு உரிய நடவடிக்கை எடுக்க வேண்டும். மேலும், அனுபவம் இல்லாதவா்கள் தோ்வு செய்யப்பட்டுள்ளதாகக் கூறப்பட்டதால்

தோ்வானவா்களின் திறமையை மதிப்பிடவும், முடிந்தால் அவா்களுக்குப்

பயிற்சி அளிக்கவும் தமிழக அரசு நடவடிக்கை எடுக்க வேண்டும் என்றும் உத்தரவில் குறிப்பிட்டுள்ளாா்.