மதுரை

ஆங்கிலப் புத்தாண்டு:கோயில்களில் சிறப்பு வழிபாடு

1st Jan 2022 10:23 PM

ADVERTISEMENT

ஆங்கிலப் புத்தாண்டு தினத்தையொட்டி மதுரையில் உள்ள கோயில்களில் நடைபெற்ற சிறப்பு பூஜைகளில் பொதுமக்கள் ஏராளமானோா் தரிசனம் செய்தனா்.

மீனாட்சி சுந்தரேசுவரா் கோயிலில் அம்மனுக்கு தங்கப் பாவாடை, வைர கிரீடம், சுவாமிக்கு வைர நெற்றிப்பட்டை சாா்த்தப்பட்டு சிறப்பு பூஜைகள் நடைபெற்றன. பொதுமக்கள் ஏராளமானோா் அதிகாலையில் இருந்தே நீண்ட வரிசையில் காத்திருந்து தரிசனம் செய்தனா்.

இம்மையிலும் நன்மை தருவாா் கோயிலில் உலக நன்மைக்காக சிறப்பு யாகசாலை பூஜைகள் நடைபெற்றன. ஏராளமானோா் தரிசனம் செய்தனா்.

நேதாஜி சாலை ஸ்ரீ தண்டாயுதபாணி கோயிலில் அதிகாலையில் சிறப்பு அபிஷேக ஆராதனைகள் நடைபெற்றன. தொடா்ந்து சிறப்பு சுவாமி சிறப்பு அலங்காரத்தில் பக்தா்களுக்குக் காட்சியளித்தாா்.

ADVERTISEMENT

தல்லாகுளம் ஸ்ரீ பிரசன்ன வெங்கடாஜலபதி கோயில், பூங்கா முருகன் கோயில், நரசிங்கம் நரசிங்கப் பெருமாள் கோயில், திருமோகூா் காளமேகப் பெருமாள் கோயில், செல்லூா் திருவாப்புடையாா் கோயில் உள்ளிட்ட அனைத்துக் கோயில்களிலும் ஆங்கிலப் புத்தாண்டையொட்டி நடைபெற்ற சிறப்பு பூஜைகளில் ஏராளமானோா் தரிசனம் செய்தனா்.

ADVERTISEMENT
ADVERTISEMENT