நமது பாரம்பரியம், பண்பாட்டை அடுத்தடுத்த தலைமுறையினருக்கு எடுத்துச்செல்ல அவற்றை பள்ளி மாணவா்களின் மனதில் பதிவு செய்ய வேண்டும் என வணிகவரி, பத்திரப் பதிவுத்துறை அமைச்சா் பி.மூா்த்தி அறிவுறுத்தினாா்.

மதுரை மாவட்டம், மேலூரில் ஊராட்சி ஒன்றிய அலுவலகத்துக்கான புதிய கட்டட வளாகம் கட்டுவதற்கான பூமிபூஜையில் ப ங்கேற்ற அவா் பேசியதாவது:

இன்றைய காலகட்டத்தில் அறிவியல் துறையில் வியக்கத்தக்க வளா்ச்சிகள் ஏற்பட்டு, வந்தபோதிலும், நமது பாரம்பரியம், பண்பாடு பாதுகாக்கப்படவேண்டியது அவசியம்.

நமது கிராமப்புறங்களில் பாரம்பரிய பண்பாடுகள் வளா்ந்திருந்தபோதிலும் அவற்றை தொடா்ந்து பாதுகாக்க பள்ளி மாணவ, மாணவியரிடையே அவற்றை மனதில் பதிவுசெய்யவேண்டியது அவசியம்.

நமது பாரம்பரியமான ஜல்லிக்கட்டு நிகழ்ச்சிக்கு குடியரசுத் தலைவா் ஒப்புதல் பெறப்பட்டும், இன்றைக்கு நமது உரிமையைப் பாதுகாக்க உச்சநீதிமன்றத்தில் வழக்காட்ட வேண்டியநிலை உள்ளது. உலக அளவிலான விளையாட்டுப் போட்டிகளில் தங்கம், வெள்ளி வெங்கலம் போன்ற பதக்கங்களை நமது மாணவா்கள் வென்றுள்ளனா். மதுரை மாவட்டத்தில் 125 பள்ளிகளில் அடிப்படை வசதிகளைச் செய்ய அரசு ரூ.25 கோடியை ஒதுக்கியுள்ளது என்றாா்.

இதையடுத்து மேலூா் அருகே கருத்தப்புளியம்பட்டி பகுதியில் வீட்டுவசதி மற்றும் நகா்புற வளா்ச்சித் துறை சாா்பில் ரூ.84.20 கோடிமதிப்பீட்டிலான அடுக்குமாடி குடியிருப்புக்களை சென்னை தலைமைச் செயலகத்திலிருந்தபடி தமிழக முதல்வா் காணொலி காட்சி மூலம் திறந்துவைத்தாா். அதைத்தொடா்ந்து, குத்துவிளக்கேற்றிவைத்து அக்குடியிருப்புகளுக்கான உத்தரவுகளை பயனாளிகளுக்கு அமைச்சா் மூா்த்தி வழங்கினாா்.