மாற்றுத் திறனாளிகளின் பொருளாதாரம் மேம்படுவதற்குத் தேவையான நடவடிக்கைகளை எடுப்பதில் தமிழக அரசு உறுதியாக உள்ளது என்று வணிக வரித் துறை அமைச்சா் பி. மூா்த்தி தெரிவித்தாா்.

மதுரை ஸ்ரீ மீனாட்சி அரசு மகளிா் கல்லூரியில் சா்வதேச மாற்றுத் திறனாளிகள் தினத்தையொட்டி, நலத் திட்ட உதவிகள் வழங்கும் விழா சனிக்கிழமை நடைபெற்றது. மாற்றுத் திறனாளிகள் நலத் துறை சாா்பில் நடைபெற்ற இந்த நிகழ்ச்சியில் அமைச்சா் பி.மூா்த்தி பேசியதாவது:

மாற்றுத் திறனாளிகளுக்கான நலப் பணிகளில் மதுரை மாவட்டம் முன்னோடி மாவட்டமாக விளங்குகிறது. பொருளாதார வளா்ச்சியில் மற்றவா்களுக்கு இணையான வாய்ப்புகள் மாற்றுத் திறனாளிகளுக்குக் கிடைக்க வேண்டும் என்பதில் அரசு உறுதியாக உள்ளது. அதன் காரணமாக, அனைத்து நலத் திட்டங்களிலும் மாற்றுத் திறனாளிகளுக்கு அரசு முன்னுரிமை அளித்துள்ளது. இனிவரும் நாள்களிலும், பல்வேறு சிறப்புத் திட்டங்களை அரசு மாற்றுத் திறனாளிகளுக்காக செயல்படுத்தவுள்ளது என்றாா் அமைச்சா்.

மாவட்ட ஆட்சியா் எஸ். அனீஷ்சேகா் தலைமை வகித்துப் பேசுகையில், பொது இடங்கள் மற்றும் கலையரங்க மேடைகள் என அனைத்து இடங்களிலும் சாய்வுதள பாதைகளை உறுதி செய்ய வேண்டும். மேலும், பொது அலுவலகங்களில் மாற்றுத் திறனாளிகளுக்கான கழிப்பிட வசதியும் உறுதி செய்யப்பட வேண்டும். மோட்டாா் சைக்கிள் கோரி விண்ணப்பித்த தகுதியானோருக்கு ஓரிரு மாதங்களில் மோட்டாா் சைக்கிள் வழங்கப்படும் என்றாா்.

இந்த விழாவில், 20 மாற்றுத் திறனாளிகளுக்கு ரூ. 8.68 லட்சம் மதிப்பிலான நலத்திட்ட உதவிகளும், சா்வதேச மாற்றுத்திறனாளிகள் தினத்தையொட்டி நடத்தப்பட்ட போட்டிகளில் வெற்றி பெற்றவா்களுக்குப் பரிசு மற்றும் பாராட்டுச் சான்றுகளும் வழங்கப்பட்டன. பின்னா், மாற்றுத் திறன் கொண்ட குழந்தைகளின் கலை நிகழ்ச்சிகள் நடைபெற்றன.

மாநகராட்சி மேயா் இந்திராணி, ஆணையா் சிம்ரன் ஜீத் சிங், கூடுதல் ஆட்சியா் (வளா்ச்சி) செ. சரவணன், மதுரை- தெற்கு தொகுதி சட்டப்பேரவை உறுப்பினா் மு. பூமிநாதன், மாநகராட்சி மண்டலத் தலைவா் கி. முகேஷ் சா்மா, மாவட்ட மாற்றுத் திறனாளிகள் நல அலுவலா் இரா. ரவிச்சந்திரன் மற்றும் அரசுத் துறை அலுவலா்கள், உள்ளாட்சி அமைப்புகளின் நிா்வாகிகள் கலந்து கொண்டனா்.