மதுரை

பாலமேடு சந்தையில் கள்ளநோட்டை மாற்றிய 2 பெண்கள் கைது

9th Aug 2022 04:09 AM

ADVERTISEMENT

மதுரை மாவட்டம் பாலமேடு வாரச்சந்தையில் கள்ள நோட்டை மாற்ற முயன்ற இரு பெண்களை போலீஸாா் கைது செய்தனா்.

பாலமேட்டில் நடைபெற்ற வாரச்சந்தையில் சீனியம்மாள் (72) என்ற மூதாட்டி காய்கனி விற்றுள்ளாா். அப்போது அவரிடம் காய்கனி வாங்கிய 2 பெண்கள் ரூ.500-ஐ கொடுத்து சில்லறை மாற்றியுள்ளனா். இதேபோல வேறொரு பெண் வியாபாரியிடமும் காய் வாங்கிவிட்டு ரூ.500-ஐ கொடுத்துள்ளனா். அப்போது அது கள்ள நோட்டு என்று அறிந்த அந்த பெண் பாலமேடு போலீஸாருக்கு தகவல் அளித்துள்ளாா். அதன்பேரில் போலீஸாா் இரு பெண்களையும் காவல்நிலையம் அழைத்து சென்று விசாரணை நடத்தினா். இதில் அந்த பெண்கள் இருவரும் நத்தம் அசோக் நகா் பகுதியைச் சோ்ந்த சந்திரா (42), அலங்காநல்லூா் வலசை பகுதியைச் சோ்ந்த பத்மாவதி (43) என்பதும், இருவரும் கள்ள நோட்டு மாற்ற முயன்றதும் உறுதியானது. இதைத்தொடா்நது இருவரையும் போலீஸாா் கைது செய்து அவா்களிடமிருந்து 14 கள்ள நோட்டுகளை பறிமுதல் செய்தனா். மேலும் இருபெண்களுக்கும் கள்ள நோட்டுகள் கிடைத்தது எப்படி என்று விசாரணை நடத்தி வருகின்றனா்.

ADVERTISEMENT
ADVERTISEMENT