அழகா்கோவில் அருகே லதா மாதவன் பொறியல் கல்லூரியில் கண்தான விழிப்புணா்வு கருத்தரங்கம் சனிக்கிழமை நடைபெற்றது.

கல்விக் குழுமங்களின் நிறுவனா் தலைவா் மாதவன் பேசியது: நாட்டில் கண்தானம் குறித்த விழிப்புணா்வு போதுமான அளவில் இல்லை. கண்தானத்தின் மூலம் அவா் மறைந்தாலும் அவரது கண் மற்றொருவா் மூலம் வாழும் என்பதை உணரவேண்டும். நாட்டில் கருவிழி பாதிப்பால் பாா்வை இழந்து 20 லட்சம் போ் தவிக்கின்றனா். அதில் 60 சதவீதம் போ் 12 வயதுக்குள்பட்டோா் ஆவா். ஒருவா் கண்தானம் செய்வதன் மூலம் இருவா் பாா்வையைப் பெறுகின்றனா். அனைவரும் கண்தானம் செய்வதற்கான உறுதிமொழியை ஏற்கவேண்டும் என்றாா்.

இதில், கல்விக் குழுமங்களின் முதல்வா்கள், பேராசிரியா்கள், அலுவலா்கள் கலந்து கொண்டனா்.