மதுரை

முன்னாள் தலைமை ஆசிரியருக்கு பாராட்டு விழா

2nd Apr 2022 11:20 PM

ADVERTISEMENT

 

மதுரை மாவட்டம் உசிலம்பட்டி அருகே நல்லு தேவன்பட்டி அரசு கள்ளா் நடுநிலைப் பள்ளி முன்னாள் தலைமை ஆசிரியா் வீ.தினகரனுக்கு சனிக்கிழமை முன்னாள் மாணவா்கள் சாா்பில் பாராட்டு விழா நடைபெற்றது.

இப்பள்ளியில் 1978 இல் ஆசிரியராகப் பணியாற்றிய அவா், பின்னா் அதே பள்ளியில் 2003 இல் தலைமையாசிரியராகப் பதவி உயா்வு பெற்று 2007 வரை பணியாற்றினாா். பள்ளி மாணவ, மாணவிகளுக்கு சிறந்த முறையில் பாடம் நடத்தியுள்ளாா். இதற்காக அப்பள்ளியில் படித்த முன்னாள் மாணவா்கள் சாா்பில் வீ.தினகரனுக்கு சனிக்கிழமை பாராட்டுவிழா நடத்தினா். இதில் சிறப்பு விருந்தினராகக் கலந்து கொண்ட உசிலம்பட்டி காவல் துறை துணைக் கண்காணிப்பாளா் நல்லு, முன்னாள் தலைமை ஆசிரியருக்கு கேடயம் மற்றும் நினைவுப் பரிசுகளை வழங்கினாா்.

அப்போது, சைபா் கிரைம் குற்றங்கள் மற்றும் ஆன்லைன் பண மோசடி தொடா்பான புகாா்களுக்கு 1930 என்ற எண்ணை அழைத்தால் உடனடியாக நடவடிக்கை எடுக்கப்படும் என காவல் துணைக் கண்காணிப்பாளா் தெரிவித்தாா்.

ADVERTISEMENT

இதில் முன்னாள் மாணவா்களான முன்னாள் ஊராட்சித் தலைவா் பால். அய்யா், கதை ஆசிரியா் கவி. குடியரசு, காவல் ஆய்வாளா் கல்வி ராஜா, பொதுப்பணித்துறை அலுவலா் ராஜமாணிக்கம் மற்றும் பொதுமக்கள் கலந்து கொண்டனா்.

 

ADVERTISEMENT
ADVERTISEMENT