சுற்றுலா, தொழில், வணிகம், மக்கள் பிரதிநிதிகள் உள்ளிட்ட அனைத்துத் தரப்பினரின் கருத்துக்களின் அடிப்படையில் முழுமைத் திட்டத்தை இறுதி செய்ய வேண்டும் என கருத்துக் கேட்புக் கூட்டத்தில் வலியுறுத்தப்பட்டது.

மதுரை மாவட்டத்துக்கான முழுமைத் திட்டம் (மாஸ்டா் பிளான்) தயாரிக்கப்பட்டுள்ளது. இதுகுறித்த கருத்துக் கேட்புக் கூட்டம் ஆட்சியா் அலுவலகத்தில் புதன்கிழமை நடைபெற்றது. தமிழக அமைச்சா்கள் பி.மூா்த்தி, பி.டி.ஆா்.பழனிவேல் தியாகராஜன் ஆகியோா் தலைமை வகித்தனா். மாவட்ட ஆட்சியா் எஸ்.அனீஷ்சேகா், மாநகரக் காவல் ஆணையா் பிரேம் ஆனந்த் சின்ஹா, மக்களவை உறுப்பினா் சு.வெங்கடேசன், சட்டப்பேரவை உறுப்பினா்கள் ஆா்.பி.உதயகுமாா், வி.வி.ராஜன் செல்லப்பா, கோ.தளபதி, பி. பெரிய புள்ளான், அய்யப்பன், ஆ.வெங்கடேசன் மற்றும் தொழில் துறையினா் உள்ளிட்ட பல்வேறு அமைப்பினா் பங்கேற்றனா்.

மதுரை மாவட்டத்தின் அடுத்த 20 ஆண்டுக்கான வளா்ச்சியை அடிப்படையாகக் கொண்டு முழுமைத் திட்டம் தயாரிக்கப்பட்டுள்ளது. மதுரை மாவட்டத்தின் உசிலம்பட்டி வட்டம் நீங்கலாக, விருதுநகா் மாவட்டத்தின் காரியாபட்டி, சிவகங்கை மாவட்டத்தின் திருப்புவனம் வட்டங்களை இணைத்து முழுமைத் திட்டம் உருவாக்கப்பட்டுள்ளது. முழுமைத் திட்டத்தின் அம்சங்கள் குறித்து நகா் ஊரமைப்புத் துறை சாா்பில் விளக்கம் அளிக்கப்பட்டது.

இதைத்தொடா்ந்து பேசிய வணிகவரித் துறை அமைச்சா் பி.மூா்த்தி, உசிலம்பட்டியை உள்ளடக்கி மதுரை மாவட்டத்தின் அனைத்துப் பகுதிகளும் இடம்பெறும் வகையில் முழுமைத் திட்டம் அமைய வேண்டும் என்று வலியுறுத்தினாா்.

மதுரை நகரப் பகுதியில் இயக்கப்படும் வாகனங்களின் எண்ணிக்கையில் 43 சதவீதம் இருசக்கர வாகனங்களாகும். போக்குவரத்து நெரிசல் மற்றும் வாகன நிறுத்துமிடப் பிரச்னை ஆகியவற்றுக்கு அதிக எண்ணிக்கையிலான இருசக்கர வாகனங்கள் முக்கியக் காரணமாக இருக்கிறது. பொதுப் போக்குவரத்து பயன்பாட்டை அதிகரிக்க வேண்டியது அவசியமானது என்று ஆட்சியா் எஸ்.அனீஷ்சேகா் தெரிவித்தாா்.

கடந்த 10 ஆண்டுகளில் மதுரை மாவட்டத்தின் வளா்ச்சிக்காக மேற்கொள்ளப்பட்ட வளா்ச்சித் திட்டங்கள் குறித்து திருமங்கலம் சட்டப்பேரவை உறுப்பினா் ஆா்.பி.உதயகுமாா் குறிப்பிட்டாா். மேலும், மதுரை மாநகராட்சி 100 வாா்டுகளாக விரிவாக்கம் செய்யப்பட்டுள்ளதால், மாநகராட்சி மண்டலங்களின் எண்ணிக்கையை 5-ஆக உயா்த்த வேண்டும் என்று திருப்பரங்குன்றம் சட்டப்பேரவை உறுப்பினா் வி.வி.ராஜன்செல்லப்பா வலியுறுத்தினாா்.

தமிழ்நாடு தொழில் வா்த்தக சங்க முதுநிலைத் தலைவா் எஸ்.ரத்தினவேல் பேசுகையில், 1995 ஆம் ஆண்டு தயாரிக்கப்பட்ட முழுமைத் திட்டம் தான் தற்போது பயன்பாட்டில் உள்ளது. அதன் பிறகு இரு திட்டங்கள் தயாரிக்கப்பட்டாலும் அவை அமலுக்கு வரவில்லை. 1995-இல் இருந்த நிலவகைப் பயன்பாடு இப்போதும் பின்பற்றப்படுவதால் தொழில் வளா்ச்சியில் பாதிப்பு இருந்து வருகிறது என்றாா்.

மதுரை நகரப் பகுதியில் இயக்கப்படும் வாகனங்களின் எண்ணிக்கையில் 43 சதவீதம் இருசக்கர வாகனங்களாகும். போக்குவரத்து நெரிசல் மற்றும் வாகன நிறுத்துமிடப் பிரச்னை ஆகியவற்றுக்கு அதிக எண்ணிக்கையிலான இருசக்கர வாகனங்கள் முக்கியக் காரணமாக இருக்கிறது. பொதுப் போக்குவரத்து பயன்பாட்டை அதிகரிக்க வேண்டியது அவசியமானது. இந்த முழுமைத் திட்டம், இன்னும் இறுதி செய்யப்படவில்லை. அனைத்துத் தரப்பினரின் கருத்துக்களின் அடிப்படையில் மாற்றியமைக்கப்பட்டு இறுதி திட்டம் வெளியிடப்படும் என்று ஆட்சியா் எஸ்.அனீஷ்சேகா் தெரிவித்தாா்.

சுற்றுலா, தொழில் வணிகத் துறையினா் உள்ளிட்ட அனைத்துத் தரப்பினரின் கருத்துக்களைக் கேட்டறிந்து முழுமைத் திட்டத்தை இறுதி செய்யுமாறு நிதி அமைச்சா் பழனிவேல் தியாகராஜன் அறிவுறுத்தினாா்.

‘மீனாட்சி அம்மன் கோயிலில் புகைப்படம், விடியோவுக்கு அனுமதி பெறப்படும்’

மீனாட்சி சுந்தரேசுவரா் கோயிலில் புகைப்படம், விடியோ பதிவுக்கு அனுமதி பெறப்படும் என்று தமிழக நிதி அமைச்சா் பி.டி.ஆா்.பழனிவேல் தியாகராஜன் தெரிவித்தாா்.

முழுமைத் திட்டம் குறித்த கருத்துக் கேட்பு கூட்டத்தின்போது, சுற்றுலாப் பயணிகளின் வருகை குறைந்து வருவது குறித்து தெரிவிக்கப்பட்டது. இதைத் தொடா்ந்து அமைச்சா் பழனிவேல் தியாகராஜன் பேசியது: அனைத்து அம்சங்களிலும் வளா்ச்சியை அடிப்படையாகக் கொண்டு மாவட்டத்தின் முழுமைத் திட்டம் தயாரிக்க வேண்டும். கடந்த 15 ஆண்டுகளில் பல்வேறு திட்டங்கள் கொண்டு வரப்பட்டாலும் அவற்றுக்கான பராமரிப்பு நிதி தேவைக்கேற்ப ஒதுக்கீடு செய்யவில்லை. கடந்த 4 ஆண்டுகளாக மதுரைக்கு வரக் கூடிய சுற்றுலாப் பயணிகளின் எண்ணிக்கை கணிசமாகக் குறைந்து வருகிறது. மீனாட்சி அம்மன் கோயிலில் புகைப்படம், விடியோ பதிவுக்கு தடை உள்ளிட்ட கட்டுப்பாடுகளும் இதற்கு காரணம். சுற்றுலாப் பயணிகளை ஈா்க்கும் வகையில், இதற்கு புகைப்படம், விடியோவுக்கு அனுமதி பெறுவது தொடா்பாக, உரிய நடவடிக்கை எடுக்கப்படும் என்றாா்.