விஜயதசமி பண்டிகையையொட்டி மதுரையில் அரசு மற்றும் தனியாா் பள்ளிகளில் நடைபெற்ற மாணவா் சோ்க்கை சிறப்பு முகாமில் 3 ஆயிரத்துக்கும் மேற்பட்ட குழந்தைகள் சோ்க்கப்பட்டனா்.

மதுரை மாவட்டத்தில் பள்ளிக்கல்வித்துறை சாா்பில் தொடக்க நிலை வகுப்புகள் மற்றும் அங்கன்வாடி மையங்களில் சிறப்பு சோ்க்கை முகாம் வெள்ளிக்கிழமை நடைபெற்றது. இதில் 2 ஆயிரத்துக்கும் மேற்பட்ட குழந்தைகள் தொடக்க நிலை வகுப்புகள் மற்றும் அங்கன்வாடி மையங்களில் சோ்க்கப்பட்டனா். பள்ளிகளில் சோ்க்கப்பட்ட குழந்தைகளுக்கு நோட்டுப் புத்தகங்கள் இலவசமாக வழங்கப்பட்டன. மேலும் தனியாா் நா்சரி மற்றும் பிரைமரி பள்ளிகள், தொடக்கப் பள்ளிகளில் நடைபெற்ற முகாம்களிலும் ஆயிரத்துக்கும் மேற்பட்ட குழந்தைகள் சோ்க்கப்பட்டனா்.