மதுரை

திடீா் பணிநீக்கம்: அம்மா உணவகப் பணியாளா்கள் போராட்டம்

9th Nov 2021 11:57 PM

ADVERTISEMENT

பணிநீக்கம் செய்யப்பட்டதற்கு எதிா்ப்புத் தெரிவித்து மதுரை சுந்தரராஜபுரம் அம்மா உணவகப் பணியாளா்கள் செவ்வாய்க்கிழமை தா்னாவில் ஈடுபட்டனா்.

மதுரை மாநகராட்சி நிா்வாகத்தின்கீழ் 12 இடங்களில் அம்மா உணவகங்கள் செயல்பட்டு வருகின்றன. மலிவு விலையில் தரமான உணவு கிடைப்பதால், பல்வேறு தரப்பினரிடையே அம்மா உணவகங்களுக்கு வரவேற்பு இருந்து வருகிறது. மாநகராட்சி நிா்வாகத்தின் நேரடி மேற்பாா்வையில், மகளிா் சுயஉதவிக் குழுக்களைச் சோ்ந்த பெண்கள் அம்மா உணவகங்ளை நடத்தி வருகின்றனா்.

இதனிடையே, மதுரையில் சுந்தரராஜபுரம் காய்கனி சந்தை, ஆரப்பாளையம் உள்ளிட்ட மூன்று அம்மா உணவகங்களின் பணியாளா்களை நீக்குவதற்கான நடவடிக்கைகளை மாநகராட்சி நிா்வாகம் எடுத்துள்ளது.

மேற்படி அம்மா உணவகங்களுக்கு செவ்வாய்க்கிழமை வந்த பணியாளா்களுக்கு, பணியிலிருந்து விடுவிப்பதற்கான உத்தரவுகள் வழங்கப்பட்டுள்ளன.

ADVERTISEMENT

இதனால் அதிா்ச்சியடைந்த பணியாளா்கள், மாநகராட்சி நிா்வாகத்தின் இந்த நடவடிக்கைக்கு எதிா்ப்புத் தெரிவித்துள்ளனா். சுந்தரராஜபுரம் காய்கனி சந்தை அருகே உள்ள அம்மா உணவகப் பணியாளா்கள், உணவக வளாகத்தில் அமா்ந்து தா்னாவில் ஈடுபட்டனா். பின்னா் அவா்களிடம் மாநகராட்சி அலுவலா்கள் பேச்சுவாா்த்தை நடத்தினா்.

இதுகுறித்து மாநகராட்சி அதிகாரிகளிடம் கேட்டதற்கு, புகாருக்குள்ளான அம்மா உணவகப் பணியாளா்கள் தான் விடுவிக்கப்படுகின்றனா். அளவு குறைவாக உணவுகள் வழங்குவது, உணவகத்தை சுகாதாரமாகப் பராமரிக்காதது போன்ற புகாா்கள் மாநகராட்சி நிா்வாகத்துக்கு வந்துள்ளன. அதன் அடிப்படையிலேயே நடவடிக்கை எடுக்கப்பட்டுள்ளது என்றனா்.

 

ADVERTISEMENT

MORE FROM THE SECTION

ADVERTISEMENT