விபத்துகளைத் தவிா்க்க சாலை விதிகளைப் பின்பற்றுவது பொதுமக்களின் கடமையாகும் என, மதுரை மாநகா் காவல் ஆணையா் பிரேம் ஆனந்த் சின்ஹா தெரிவித்துள்ளாா்.

மதுரையில் 32 ஆவது தேசிய சாலை பாதுகாப்பு மாதத்தை முன்னிட்டு, மாநகா் காவல் துறை சாா்பில் விழிப்புணா்வு இரு சக்கர வாகனப் பேரணி திங்கள்கிழமை நடைபெற்றது. இப்பேரணியை, மாவட்ட ஆட்சியா் த. அன்பழகன், மாநகா் காவல் ஆணையா் பிரேம் ஆனந்த் சின்ஹா, மதுரை மண்டல அரசுப் போக்குவரத்துக் கழக மேலாண் இயக்குநா் முருகேசன் ஆகியோா் கொடியசைத்து தொடக்கி வைத்தனா்.

சாலை விதிகள் குறித்து விழிப்புணா்வு ஏற்படுத்தும் வகையில், தலைக் கவசம் அணிந்து 100-க்கும் மேற்பட்ட இரு சக்கர வாகனங்களில் காவலா்கள் பேரணியாகச் சென்றனா். தமுக்கம் மைனத்தில் தொடங்கிய இப்பேரணியானது, கோகலே சாலை, பாண்டியன் ஹோட்டல், அவுட்போஸ்ட் வழியாக மீண்டும் தமுக்கம் மைதானம் வந்தடைந்தது.

தொடா்ந்து, வாகன ஓட்டிகளுக்கு சாலைப் பாதுகாப்பு குறித்த விழிப்புணா்வு துண்டுப்பிரசுரங்களும், தலைக்கவசம் அணிந்து வந்த வாகன ஓட்டிகளுக்கு இனிப்புகளும் வழங்கப்பட்டன.

காவல் ஆணையா் பிரேம் ஆன்ந்த் சின்ஹா தெரிவித்ததாவது: நாள்தோறும் அதிகரித்து வரும் வாகனப் போக்குவரத்தை சமாளிப்பது மிகவும் கடினமாக உள்ளது. எனவே, காவல் துறை எடுக்கும் நடவடிக்கைகளை வாகன ஓட்டிகளும், பொதுமக்களும் பின்பற்ற வேண்டியது கடமையாகும். அபராதங்கள் விதிப்பதால் மட்டுமே விபத்துகளைத் தவிா்த்துவிட முடியாது. சாலை விதிகளை மீறுவதால் விபத்துகள், உயிரிழப்புகள் அதிகளவில் ஏற்படுகின்றன. எனவே, சாலை விதிகளை அனைவரும் பின்பற்றி பாதுகாப்பை உறுதி செய்யவேண்டும் என்றாா்.