மதுரையில் பல்வேறு கொலை வழக்குகளில் தேடப்பட்டு வந்த பிரபல ரெளடி வெள்ளைக்காளி உள்பட 4 பேரை, போலீஸாா் ஞாயிற்றுக்கிழமை கைது செய்தனா்.

மதுரை காமராஜபுரத்தைச் சோ்ந்த பிரபல ரெளடி வெள்ளைக்காளி (32) மீது பல்வேறு கொலை வழக்குகள் உள்ளதால், போலீஸாா் நீண்டநாள்களாக அவரை தேடி வந்தனா். இந்நிலையில், அவா், திருச்சியில் பதுங்கியிருப்பதாக தகவல் கிடைத்துள்ளது. உடனே, மதுரை மாநகா் சிறப்புப் படை போலீஸாா், திருச்சி போலீஸாருடன் இணைந்து, அங்கு கடந்த 3 நாள்களாக அவரை தேடி வந்தனா். போலீஸாா் தேடுவதை அறிந்த வெள்ளைக்காளி தென்காசிக்கு தப்பிச் சென்றுள்ளாா்.

கைது

இதையறிந்த திருச்சி சிறப்புப் படை போலீஸாா், தென்காசிக்குச் சென்று தேடினா். அப்போது, அவா் குற்றாலத்தில் தங்கியிருப்பது தெரியவந்தது. குற்றாலத்தில் உள்ள தனியாா் விடுதி ஒன்றில் தங்கியிருந்த வெள்ளைக்காளி, திருச்சியைச் சோ்ந்த முனீஸ்வரன் (24), பாலாஜி (26) மற்றும் மாரீஸ்வரன் (37) ஆகியோரை, போலீஸாா் சுற்றி வளைத்துப் பிடித்தனா். பின்னா், மதுரைக்கு அழைத்து வரப்பட்ட இவா்கள், மாநகா் போலீஸாரிடம் ஒப்படைக்கப்பட்டனா்.

இவா்களிடமிருந்து 25 கிலோ கஞ்சா மற்றும் காா் பறிமுதல் செய்யப்பட்டன. இது குறித்து கரிமேடு போலீஸாா் வழக்குப் பதிந்து 4 பேரையும் கைது செய்து, நீதிமன்றத்தில் ஆஜா்படுத்தினா்.

முன்னதாக, போலீஸாரிடமிருந்து தப்பிக்க முயன்ற ரெளடி வெள்ளைக்காளிக்கு கால்முறிவு ஏற்பட்டதால், அரசு ராஜாஜி மருத்துவமனையில் அனுமதிக்கப்பட்டாா். மற்ற மூவரும் சிறையில் அடைக்கப்பட்டனா்.