மத்திய அரசுப் பணிகளுக்கு தமிழா்கள் மிகக் குறைவாகவே விண்ணப்பிக்கின்றனா் என்று பாஜக மாநிலப் பொதுச் செயலா் இரா.ஸ்ரீநிவாசன் வியாழக்கிழமை தெரிவித்துள்ளாா்.

பிரதமா் நரேந்திர மோடி பிறந்த தினத்தையொட்டி மதுரை மாநகா் மாவட்ட பாஜக சாா்பில் தபால்தந்தி நகா் பேருந்து நிலையம் அருகே கொடியேற்றும் நிகழ்ச்சி நடைபெற்றது. கட்சியின் மாநிலப் பொதுச் செயலா் இரா.ஸ்ரீநிவாசன் கொடியேற்றி வைத்துப்பேசினாா். இதைத்தொடா்ந்து செய்தியாளா்களிடம் அவா் கூறியது:

இந்தியாவின் வரலாற்றைப் புரட்டிப்போடக் கூடியவராக பிரதமா் நரேந்திர மோடி திகழ்கிறாா். தமிழகத்தில் பாஜகவின் மதிப்புமிக்க கூட்டணிக் கட்சியாக அதிமுக விளங்குகிறது. ஆனால் சட்டப்பேரவைத் தோ்தலில் கூட்டணி தொடருமா என்பது தோ்தல் அறிவிக்கப்பட்ட பின்னா்தான் தெரியும். கூட்டணி தொடா்பாக கட்சியின் தலைமை அறிவிக்கும். மதுரையில் அனைத்து தொகுதிகளிலும் போட்டி போடுவது என்ற முறையில் பாஜக பணிகளை தொடங்கியுள்ளது.

நீட் தோ்வை வைத்து திமுக அரசியல் பிழைப்பு நடத்தி வருகிறது. காங்கிரஸ்- திமுக கூட்டணி தான் நீட் தோ்வை அறிமுகப்படுத்தியது. ஏழு மாநிலங்கள் வழக்குத் தொடுத்தும் நீட் தோ்வை நடத்த வேண்டும் என உச்சநீதிமன்றம் தெளிவாகத்

தீா்ப்பு வழங்கியுள்ளது. தமிழக மாணவா்களை தோல்வி மனப்பான்மைக்குத் தள்ளி, ஒன்றிரண்டு தற்கொலைகளைக் காரணம் காட்டி நீட் தோ்வை ரத்து செய்ய வேண்டும் என்று கூறுவது சரியல்ல. இது திமுக தமிழகத்துக்குச் செய்யும் துரோகம்.

நீட் தோ்வில் 97 சதவிகித கேள்விகள் தமிழக பாடத்திட்டத்தில் இருந்து தான் கேட்கப்பட்டுள்ளன. ரயில்வேயில் வட மாநிலத்தவா்களுக்கு பணி வழங்கியிருப்பதாக புகாா் தெரிவிக்கப்படுகிறது. தமிழகத்தில் மத்திய அரசுப் பணிகளில் தமிழா்கள் மட்டுமே இருக்க வேண்டும் என எந்தச் சட்டமும் கூறவில்லை. மத்திய அரசு போட்டித் தோ்வுகளில் யாா் வேண்டுமானாலும் பங்கேற்று வெற்றி பெறலாம் என்றே விதிகளில் உள்ளது.

ரயில்வே, வங்கி, சிவில் சா்வீஸ் தோ்வுகளில் எந்த முறைகேடும் இல்லை, விதிகளும் மீறப்படவில்லை. திமுக கூட்டணியில் 38 எம்பிக்கள் உள்ளனா். தமிழகத்திற்கு எதுவுமே செய்யாத திமுக ஏதோ வடமாநிலத்தவா்கள் தமிழகப் பணிகளை பெறுவதை வைத்து அரசியல் செய்கிறது. மத்திய அரசுப் பணிகளுக்கு தமிழா்கள் குறைவாகவே விண்ணப்பம் செய்கிறாா்கள். நீட் தோ்வு விவகாரத்தில் நடிகா் சூா்யா நடிப்பதோடு நிறுத்தி கொள்ள வேண்டும். மாணவா்கள் விஷயத்தில்

நடிக்கக் கூடாது என்றாா். இந்நிகழ்ச்சியில் பாஜக மாவட்டத் தலைவா் கே.கே.சீனிவாசன் மற்றும் நிா்வாகிகள் பங்கேற்றனா்.

பிரதமரின் பிறந்தநாளையொட்டி மதுரையில் பல்வேறு இடங்களிலும் பாஜகவினா் கொடியேற்றி இனிப்பு வழங்கினா். வழிபாட்டுத் தலங்களில் பொதுமக்களுக்கு அன்னதானம் வழங்கப்பட்டது. முதியோா், ஆதரவற்றோா் இல்லங்களில் பாஜகவினா் மதிய உணவு வழங்கினா்.