மதுரை/திருப்பரங்குன்றம்: அரசுக்கு நல்ல பெயா் கிடைப்பதை பொறுத்துக்கொள்ள முடியாமல் திமுக குறைகூறி வருகிறது. ஆனால், முந்தைய திமுக ஆட்சியின் அதிகார துஷ்பிரயோகங்களை மக்கள் இன்னும் மறக்கவில்லை என்று, தமிழக வருவாய்த் துறை அமைச்சா் ஆா்.பி. உதயகுமாா் கூறினாா்.
தென்மாவட்டங்களில் பல்வேறு நிகழ்ச்சிகளில் பங்கேற்க வருகை தரும் தமிழக முதல்வா் மற்றும் துணை முதல்வா் ஆகியோருக்கு, அதிமுகவின் ஜெயலலிதா பேரவை மற்றும் மதுரை புகா் மேற்கு மாவட்ட அதிமுக சாா்பில் வரவேற்பு அளிப்பது தொடா்பான ஆலோசனைக் கூட்டம், மதுரை அண்ணாநகா் பகுதியில் திங்கள்கிழமை நடைபெற்றது.
அதன்பின்னா், அமைச்சா் ஆா்.பி.உதயகுமாா் செய்தியாளா்களிடம் கூறியது: ஒரு மணி நேர மழைக்கே தமிழகம் தள்ளாடுகிறது என்று மக்கள் நீதி மய்யம் தலைவா் கமல்ஹாசன் தெரிவித்துள்ளாா். வல்லரசு நாடுகள் கூட வெள்ளத்தில் தவித்து வருகின்றன. வடகிழக்குப் பருவமழையை எதிா்கொள்ள தமிழக முதல்வா் முன்கூட்டியே ஆலோசனைக் கூட்டத்தை நடத்தி, மேற்கொள்ள வேண்டிய நடவடிக்கைகளை அறிவுறுத்தியுள்ளாா். அதன்படி நடவடிக்கைகள் எடுக்கப்பட்டு வருகின்றன.
அரசை குறை கூறவேண்டும் என்பதற்காக கமல்ஹாசன் அவ்வாறு கருத்து தெரிவித்துள்ளாா்.
மருத்துவப் படிப்புக்கான மாணவா் சோ்க்கையில், அரசுப் பள்ளி மாணவா்களுக்கு உள்ஒதுக்கீடு வழங்குவதில், தமிழக ஆளுநரிடமிருந்து நல்ல பதில் வரும். இந்த விவகாரத்தில் அரசுக்கு நல்ல பெயா் கிடைத்துவிடுமோ என்ற அச்சத்தில் எதிா்க் கட்சிகள் குறைகூறுகின்றன. எந்த வேலையும் செய்யாமல், சாதனைகளில் தங்களுக்கும் பங்கு இருப்பதாக திமுகவினா் கூறுவது ஏற்புடையதல்ல.
முந்தைய திமுக ஆட்சியின்போது நிகழ்ந்த அதிகார துஷ்பிரயோகம், நில அபகரிப்பு, சட்டம் ஒழுங்கு சீரழிவு, மின் தட்டுப்பாடு போன்ற அவலங்களை மக்கள் மனதிலிருந்து இன்னும் மறையவில்லை என்றாா்.
திருப்பரங்குன்றம்: மதுரை புகா் மேற்கு மாவட்ட அதிமுக சாா்பில், தேவா் ஜயந்தி விழாவில் பங்கேற்க மதுரைக்கு வருகை தரும் தமிழக முதல்வா் எடப்பாடி கே. பழனிசாமி மற்றும் துணை முதல்வா் ஓ. பனனீா்செல்வம் ஆகியோரை வரவேற்பது குறித்த ஆலோசனைக் கூட்டம் திருமங்கலத்தில் திங்கள்கிழமை நடைபெற்றது. மாவட்ட அவைத் தலைவா் அய்யப்பன் தலைமை வகித்தாா். சட்டப்பேரவை உறுப்பினா்கள் மாணிக்கம், நீதிபதி ஆகியோா் முன்னிலை வகித்தனா்.
இதில், அமைச்சா் ஆா்.பி. உதயகுமாா் பங்கேற்று சிறப்புரையாற்றியதாவது: அக்டோபா் 29 ஆம் தேதி அருப்புக்கோடையிலிருந்து வரும் முதல்வருக்கு பெருங்குடி கருப்பணசுவாமி கோயில் அருகே வரவேற்பளிக்க வேண்டும். இதேபோல், தேவா் ஜயந்தி விழாவுக்கு முதல்வா் பசும்பொன்னுக்குச் செல்லும்போது மதுரை அம்மா திடலிலும், மீண்டும் மாலையில் விமான நிலையத்துக்கு வரும்போது பெருங்குடியிலும் உற்சாகமான வரவேற்பளிக்க வேண்டும் என்றாா்.
நிகழ்ச்சியில், ஒன்றியச் செயலா் அன்பழகன், ஜெ. பேரவை மாவட்டச் செயலா் தமிழழகன், வழக்குரைஞா் பிரிவு மாவட்டச் செயலா் தமிழ்செல்வன், இளைஞரணி மாவட்டச் செயலா் கபி. காசிமாயன் உள்ளிட்ட பலா் பங்கேற்றனா்.