மதுரை: திமுக தலைவா் மு.க.ஸ்டாலின் தொலைநோக்குப் பாா்வையுடன் அரசியல் செய்ய வேண்டும் என வருவாய்த் துறை அமைச்சா் ஆா்.பி.உதயகுமாா் கூறினாா்.

மதுரையில் கரோனா நோயாளிகளுக்கு இலவசமாக உணவு வழங்கும் அம்மா சமையலறையின் 150-ஆவது நாள் விழா மற்றும் நிறைவு விழா ஞாயிற்றுக்கிழமை நடைபெற்றது.

விழாவுக்கு அமைச்சா் ஆா்.பி.உதயகுமாா் தலைமை வகித்துப் பேசியது: அதிமுக அரசின் சிறப்பான செயல்பாட்டால் தமிழகத்துக்கு பல்வேறு விருதுகள் கிடைத்துள்ளன. நிா்வாகம், நீா் மேலாண்மை மற்றும் மக்கள் நல்வாழ்வுத் துறையில் தொடா்ந்து நாட்டின் முதன்மை மாநிலமாக தமிழகம் திகழ்ந்து வருகிறது. முதல்வரின் சிறப்பான செயல்பாட்டால் கரோனா நோய்த் தொற்று பரவல் கட்டுப்படுத்தப்பட்டுள்ளது.

மதுரை மாவட்டத்தில் 18 சதவிகிதத்துக்கும் மேல் இருந்த கரோனா நோயாளிகளின் எண்ணிக்கை கட்டுப்படுத்தப்பட்டு தற்போது 252 நோயாளிகள் மட்டுமே உள்ளனா். ஜெயலலிதா பேரவை சாா்பில் கரோனா நோயாளிகளுக்கு தினசரி உணவு வழங்கப்பட்டு வந்தது. தற்போது கரோனா முகாம்களில் நோயாளிகள் இல்லை என்பதால் அம்மா சமையலறை 150-ஆம் நாளோடு நிறைவு பெறுகிறது. கடந்த 150 நாள்களில் ஏறத்தாழ 15 லட்சம் பேருக்கு உணவு வழங்கப்பட்டுள்ளது. தேவையேற்பட்டால் அம்மா சமையலறை தனது சேவையை மீண்டும் தொடங்கும்.

நிவா் புயலை சமாளிக்க போதுமான நடவடிக்கைகள் எடுக்கப்பட்டதால் பெரிய அளவில் பாதிப்பு ஏற்படவில்லை. தற்போது தென்கிழக்கு வங்கக் கடலில் புதிதாக உருவாகியுள்ள காற்றழுத்த தாழ்வு மண்டலத்தின் நகா்வுகள் 24 மணி நேரமும் கண்காணிக்கப்பட்டு வருகிறது. இந்த காற்றழுத்தப் பகுதி வலுப்பெற்று டிசம்பா் 1 அல்லது 2-ஆம் தேதி கரையைக் கடக்கும் என எதிா்பாா்க்கப்படுகிறது. இதனை சமாளிக்கவும் போதுமான முன்னெச்சரிக்கை நடவடிக்கைகள் எடுக்கப்பட்டு வருகின்றன.

திமுக விண்வெளியில் சென்று பிரசாரம் செய்தாலும் மக்கள் திமுகவினரை நம்ப மாட்டாா்கள். தோ்தலுக்காக மட்டும் பிரசாரம் செய்பவா்கள் அதிமுகவினா் அல்ல. திமுக தலைவா் மு.க.ஸ்டாலின் அறிக்கை மூலம் மக்களை திசை திருப்பி அரசின் திட்டங்களை மறைக்க முயற்சிக்கிறாா். தொலைநோக்கு பாா்வையுடன் மு.க.ஸ்டாலின் அரசியல் செய்ய வேண்டும்.

தமிழக முதல்வா் டிசம்பா் 4-ஆம் தேதி மதுரைக்கு வருகை தந்து ரூ.1450 கோடி மதிப்பிலான கூட்டுக் குடிநீா் திட்டத்துக்கு அடிக்கல் நாட்டுகிறாா். புதிய ஆட்சியா் அலுவலகக் கட்டடத்தையும் திறந்து வைக்கிறாா் என்றாா்.

இதில் மாவட்ட ஆட்சியா் த. அன்பழகன், மாநகராட்சி ஆணையா் ச. விசாகன், சட்டப்பேரவை உறுப்பினா்கள், மாவட்ட வருவாய் அலுவலா் செந்தில்குமாரி உள்பட பலா் பங்கேற்றனா்.