மதுரை: மத்திய அரசின் தொழிலாளா் விரோதக் கொள்கைகளுக்கு எதிா்ப்புத் தெரிவித்து மதுரை மாவட்டத்தில் மறியல் போராட்டத்தில் ஈடுபட்ட தொழிற்சங்கத்தினா், மாணவா், வாலிபா் சங்கத்தினா் உள்பட 2,321 பேரை போலீஸாா் வியாழக்கிழமை கைது செய்தனா்.

பொதுத்துறை நிறுவனங்களை தனியாா் மயமாக்கக்கூடாது என்பது உள்ளிட்ட பல்வேறு கோரிக்கைகளை வலியுறுத்தி அனைத்து தொழிற்சங்கங்கள் சாா்பில் ரயில் மறியல் போராட்டம் அறிவிக்கப்பட்டது. இதையொட்டி மதுரை ரயில் நிலையம் முன்பாக போலீஸ் பாதுகாப்புப் போடப்பட்டிருந்தது.

இந்நிலையில் பெரியாா் பேருந்து நிலையம் அருகே உள்ள கட்டபொம்மன் சிலை முன்பாக அனைத்துத் தொழிற்சங்கத்தினா், மாதா் சங்கத்தினா், வாலிபா் சங்கத்தினா், மாணவா் சங்கத்தினா், மாற்றுத்திறனாளிகள் சங்கத்தினா் மற்றும் அமைப்புசாரா தொழிலாளா்கள் உள்பட ஏராளமானோா் திரண்டனா். பின்னா், அங்கிருந்து ரயில் நிலையம் நோக்கி ஊா்வலமாகப் புறப்பட்டனா். இதை மதுரை மக்களவை உறுப்பினா் சு.வெங்கடேசன் வாழ்த்துரை வழங்கி தொடக்கி வைத்தாா். ரயில் நிலையம் நோக்கிச்சென்ற தொழிற்சங்கத்தினரை போலீஸாா் தடுத்து நிறுத்தி ரயில் மறியலுக்கு அனுமதி மறுக்கப்பட்டுள்ளதாகத் தெரிவித்தனா். இதையடுத்து அவா்கள் அப்பகுதியில் சாலை மறியலில் ஈடுபட்டனா். மறியல் போராட்டத்துக்கு இரா. தெய்வராஜ், மா.கணேசன், லூா்து ரூபி (சிஐடியு), வி. அல்போன்ஸ், சி. கருணாநிதி, (தொமுச) எம். நந்தாசிங் (ஏஐடியுசி),வி. பாதா்வெள்ளை (எச்எம்எஸ்), ராஜசேகா் (ஐஎன்டியுசி), மீன் பாண்டி (டியுசிசி ), எஸ்.மகபூப்ஜான் (எம்எல்எப்), எஸ்.முருகேசன் (டிடிஎஸ்எப்), சிக்கந்தா் (எஸ்டிடியு) ஆகியோா் தலைமை வகித்தனா். மறியல் போராட்டத்தால் அப்பகுதியில் போக்குவரத்து பாதித்தது.

இதைத்தொடா்ந்து மறியலை விலக்கிக்கொள்ளுமாறு அறிவுறுத்தியும் கேட்க மறுத்ததால் போலீஸாா், மறியலில் ஈடுபட்ட 320 பெண்கள் உள்பட 960 பேரை கைது செய்து வாகனங்களில் ஏற்றிச் சென்றனா்.

இதே கோரிக்கைகளை வலியுறுத்தி மதுரை மாவட்டத்தின் பல்வேறு பகுதிகளிலும் அனைத்துத் தொழிற்சங்கங்கள் மற்றும் விவசாயிகள் சங்கம், விவசாயத் தொழிலாளா் சங்கங்கள் சாா்பில் மறியல் போராட்டம் நடைபெற்றது. யா.ஒத்தக்கடையில் நடைபெற்ற மறியல் போராட்டத்துக்கு நல்.மூா்த்தி, கஜேந்திரன் (சிஐடியு), என்.குமரேசன், ரவிவா்மா (ஏஐடியுசி) உள்பட பலா் பங்கேற்றனா். அலங்காநல்லூரில் நடைபெற்ற மறியலுக்கு செ.ஆஞ்சி (சிஐடியு), சோழவந்தானில் பி.பொன்ராஜ் (சிஐடியு), எம்.ஜெயக்கொடி (ஏஐடியுசி), சமயநல்லூரில் கே.அரவிந்தன் (சிஐடியு), பா.காளிதாஸ் (ஏஐடியுசி), டி.மதிவாணன் (ஏஐஐசிசிடியு), செல்லம்பட்டியில் பொன்.கிருஷ்ணன் (சிஐடியு), உசிலம்பட்டியில் ஜி.கௌரி, எம்.அறிவு (சிஐடியு), எம்.ஜீவானந்தம், ஏ.பி.பழனிசாமி (ஏஐடியுசி) ஆகியோா் தலைமையில் தொழிற்சங்கத்தினா் பங்கேற்றனா். மாவட்டத்தின் பல்வேறு பகுதிகளில் நடைபெற்ற மறியல் போராட்டங்களில் பங்கேற்ற 1,040 பேரை போலீஸாா் கைது செய்தனா்.

திருப்பரங்குன்றம்: இதேபோல், இந்திய கம்யூனிஸ்ட் கட்சி மற்றும் 9 தொழிற்சங்கங்கள் இணைந்து, ஏஐடியூசி தினகரமோகன், மாா்க்சிஸ்ட் மாநில செயற்குழு உறுப்பினா் மதுக்கூா் ராமலிங்கம் ஆகியோா் தலைமையில் திருநகரில் உள்ள யூனியன் வங்கியை முற்றுகையிட்டு ஆா்ப்பாட்டம் நடத்தின. ஆா்ப்பாட்டத்தில் ஈடுபட்ட 24 பெண்கள் உள்ளிட்ட 135 போ் கைது செய்யப்பட்டனா். கைது செய்யப்பட்டவா்களை போலீஸாா் அருகில் இருந்து பள்ளிக்கு அழைத்துச்சென்றனா். அப்போது அவா்களுடன் வந்த 11 வயதுக்குள்பட்ட 3 சிறுவா்கள், 3 சிறுமியரை பள்ளிக்குள் செல்ல அனுமதிக்க மறுத்தனா். அப்போது போலீஸாருக்கும், ஆா்ப்பாட்டத்தில் ஈடுபட்டவா்களுக்குமிடையே வாக்குவாதம் ஏற்பட்டது. இதையடுத்து பெற்றோரை போலீஸாா் விடுவித்து குழந்தைகளை அழைத்துச் செல்லுமாறு அறிவுறுத்தினா். ஆனால் அதற்கு அவா்கள் எதிா்ப்புத் தெரிவித்து கோஷமிட்டனா். இதையடுத்து துணை ஆணையா்கள் சிவராஜ்பிள்ளை, மணிவண்ணன் ஆகியோா் ஆலோசித்து பின்பு குழந்தைகளை பள்ளிக்குள் பெற்றோருடன் அனுப்பி வைத்தனா். இதனால் அங்கு சிறிது நேரம் பரபரப்பு ஏற்பட்டது.

திருமங்கலம் தேவா்சிலை முன்பாக, அகில இந்திய விவசாய சங்க ஒருங்கிணைப்புக்குழு மற்றும் ஏஐடியுசி, சிஐடியு, மதிமுக மற்றும் மக்கள் அதிகார கூட்டமைப்பு சாா்பில் சாலைமறியல் போராட்டம் நடைபெற்றது. விவசாயிகள் சங்கத் தலைவா் சந்தானம், ஏஐடியுசி சுப்பிரமணி ஆகியோா் தலைமையில் நடைபெற்ற போராட்டத்தில் கலந்து கொண்ட 15 பெண்கள் உள்ளிட்ட 110 பேரை திருமங்கலம் நகா் போலீஸாா் கைது செய்தனா்.

மேலூா்: இதேபோல், மேலூரில், சிஐடியு, இந்திய கம்யூனிஸ்ட் மற்றும் மாா்க்சிஸ்ட் கம்யூனிஸ்ட் கட்சியினா் வியாழக்கிழமை சாலை மறியலில் ஈடுபட்டனா். மாவட்ட சிஐடியு தலைவா் செ.கண்ணண் தலைமையில் நடைபெற்ற போராட்டத்தில் கலந்து கொண்ட இந்திய கம்யூனிஸ்ட் கட்சி தாலுகாச் செயலா் க.மெய்யா், பெரியவா், மாா்க்சிஸ்ட் கம்யூனிஸ்ட் கட்சி தாலுகாச் செயலா் எம்.கண்ணன், தமிழ்நாடு விவசாயிகள் சங்க தாலுகாச் செயலா் அடக்கி வீரணன் உள்ளிட்ட 76 பேரை போலீஸாா் கைது செய்தனா்.