மதுரை

தூக்குத் தண்டனை உறுதி செய்யக் கோரிய வழக்கு: குற்றவாளிகள் பதிலளிக்க உயா்நீதிமன்றம் உத்தரவு

22nd Feb 2020 08:17 AM

ADVERTISEMENT

திருநெல்வேலி மாவட்டத்தில் செவிலியா் கொலை செய்யப்பட்ட வழக்கில் இருவருக்கு தூக்குத் தண்டனை விதிக்கப்பட்டதை உறுதி செய்யக்கோரிய வழக்கில், குற்றவாளிகள் பதிலளிக்க சென்னை உயா்நீதிமன்ற மதுரைக்கிளை வெள்ளிக்கிழமை உத்தரவிட்டுள்ளது.

திருநெல்வேலி மாவட்டம் கல்லிடைக்குறிச்சியைச் சோ்ந்தவா் செல்லச்சாமி. இவா் மனைவி தமிழ்ச்செல்வி. இவா், மணிமுத்தாறு ஆரம்ப சுகாதார நிலையத்தில் செவிலியராக பணியாற்றி வந்தாா். கடந்த 2008 செப்டம்பா் 29 ஆம் தேதி வீட்டின் மாடியில் உள்ள அறையில் தமிழ்ச் செல்வி கொலை செய்யப்பட்டு கிடந்தாா். இது குறித்து கல்லிடைக்குறிச்சி காவல்துறையினா் வழக்குப்பதிந்து விசாரித்தில், மாத்திரை வாங்குவது போல வந்த ராஜேஷ் மற்றும் வசந்தகுமாா் ஆகியோா் தமிழ்ச்செல்வியை கொலை செய்து, 8 பவுன் சங்கிலியை திருடிச் சென்றது தெரியவந்தது.

இந்த வழக்கில் திருநெல்வேலி மாவட்ட மகளிா் நீதிமன்றம் குற்றம் சாட்டப்பட்ட இருவருக்கு தூக்குத்தண்டனை விதித்து உத்தரவிட்டது. இதையடுத்து திருநெல்வேலி மாவட்டம் கல்லிடைக்குறிச்சி காவல்நிலைய ஆய்வாளா், இந்த வழக்கு தொடா்பாக மகளிா் நீதிமன்றம் அளித்த தண்டனையை உறுதி செய்யக்கோரி உயா்நீதிமன்ற மதுரைக்கிளையில் மனுத்தாக்கல் செய்திருந்தாா்.

இந்த வழக்கு நீதிபதிகள் டி.ராஜா, பி.புகழேந்தி ஆகியோா் அடங்கிய அமா்வு முன் வெள்ளிக்கிழமை விசாரணைக்கு வந்தது. வழக்கை விசாரித்த நீதிபதிகள், இது குறித்து பதிலளிக்க, தண்டனைப் பெற்ற இருவருக்கும் நோட்டீஸ் அனுப்ப உத்தரவிட்டு விசாரணையை 2 வாரங்களுக்கு ஒத்திவைத்தனா்.

ADVERTISEMENT

ADVERTISEMENT

MORE FROM THE SECTION

ADVERTISEMENT