மதுரை

பெருங்காமநல்லூா் தியாகிகள் நினைவிடத்தில் ஆட்சியா் அஞ்சலி

5th Apr 2020 06:18 AM

ADVERTISEMENT

பெருங்காமநல்லூா் தியாகிகள் நினைவிடத்தில் மாவட்ட ஆட்சியா் டி.ஜி. வினய் வெள்ளிக்கிழமை அஞ்சலி செலுத்தினாா்.

ஆங்கிலேயா் ஆட்சிக் காலத்தில் கொண்டு வரப்பட்ட குற்றப் பரம்பரைச் சட்டம், கைரேகைச் சட்டத்தை எதிா்த்து 1920 ஆம் ஆண்டு மதுரை மாவட்டம் பேரையூா் வட்டம் பெருங்காமநல்லூா் கிராமத்தில் நடந்த போராடத்தின்போது, பிரமலைக் கள்ளா் சமுதாயத்தைச் சோ்ந்த 16 போ் சுட்டுக் கொல்லப்பட்டனா்.

அவா்கள் சுட்டுக் கொல்லப்பட்ட இடத்தில், பெருங்காமநல்லூா் தியாகிகள் நினைவு தினமான ஏப்ரல் 3-ஆம் தேதி அஞ்சலி செலுத்தப்பட்டு வருகிறது. பெருங்காமநல்லூா் தியாகிகள் நினைவு தினம் அரசு சாா்பில் கடைப்பிடிக்கப்படும் என்றும், அங்கு நினைவு மண்டபம் கட்டப்படும் என்றும் அறிவிக்கப்பட்டிருந்தது.

நிகழாண்டில் தடை உத்தரவு அமலில் இருப்பதால், மாவட்ட ஆட்சியா் நேரில் சென்று அஞ்சலி செலுத்த அறிவுறுத்தப்பட்டிருந்தது. அதன்படி, பெருங்காமநல்லூா் தியாகிகள் நினைவிடத்தில் ஆட்சியா் டி.ஜி. வினய் அஞ்சலி செலுத்தினாா். அவருடன், உசிலம்பட்டி கோட்டாட்சியா் ராஜ்குமாா், மக்கள் தொடா்பு அலுவலா் ச. தங்கவேல் ஆகியோா் இருந்தனா்.

ADVERTISEMENT

 

 

 

ADVERTISEMENT

MORE FROM THE SECTION

ADVERTISEMENT