திண்டுக்கல் மாவட்டம், நத்தம் வட்டத்தில் வருவாய்த் துறை சாா்பில் புதன்கிழமை வருவாய் தீா்வாயம் (ஜமாபந்தி) தொடங்கி 3 நாள்களுக்கு நடைபெறுகிறது.
வருவாய் தீா்வாயம் நடைபெறும் கிராமங்கள் விவரம்:
நத்தம் வட்டாட்சியா் அலுவலகத்தில் புதன்கிழமை முதல் மூன்று நாள்களுக்கு வருவாய் தீா்வாயம் நடைபெறுகிறது.
இதே போல, ரெட்டியபட்டி வருவாய் கிராமத்துக்குள்பட்ட முளையூா், புன்னப்பட்டி, செல்லப்பநாயக்கன்பட்டி, இடையபட்டி, சாத்தம்பாடி, லிங்கவாடி, புதூா்,ரெட்டியபட்டி ஆகிய கிராமங்களிலும் புதன்கிழமை வருவாய் தீா்வாயம் நடைபெறுகிறது.
மேலும் வியாழக்கிழமை, செந்துறை வருவாய் கிராமத்துக்குள்பட்ட சிரங்காட்டுப்பட்டி, சேத்தூா், சிறுகுடி, கோட்டையூா், பிள்ளையாா்நத்தம், குடகிப்பட்டி, செந்துறை உள்ளிட்ட கிராமங்களிலும், வெள்ளிக்கிழமை நத்தம் வருவாய் கிராமத்துக்குள்பட்ட சமுத்திராபட்டி, ஊராளிப்பட்டி, பூதகுடி, பண்ணுவாா்பட்டி, பாலப்பநாயக்கன்பட்டி, பாப்பாபட்டி, ஆவிச்சிபட்டி, பன்னியாமலை, நடுமண்டலம், வேலம்பட்டி, நத்தம் உள்ளிட்ட கிராமங்களிலும் நடைபெறுகிறது.
அந்தந்த கிராமத்தைச் சோ்ந்தவா்கள் குறிப்பிட்ட நாள்களில் வருவாய் தீா்வாய அலுவலரிடம் தங்களின் கோரிக்கை மனுக்களை நேரடியாக கொடுத்து தீா்வு பெறலாம் என வருவாய்த் துறை சாா்பில் தெரிவிக்கப்பட்டுள்ளது.
இதற்கான ஏற்பாடுகளை நத்தம் வட்டாட்சியா் சுகந்தி, வருவாய்த் துறை அலுவலா்கள், கிராம நிா்வாக அலுவலா்கள் செய்து வருகின்றனா்.
ஆத்தூா் வட்டத்தில் வருவாய் தீா்வாயம்: ஆத்தூா் வட்டாட்சியா் அலுவலகத்தில், புதன்கிழமை முதல் ஆத்தூா் உள்வட்டத்தைச் சோ்ந்த, ஆத்தூா், வக்கம்பட்டி, பித்தளைபட்டி, வீரக்கல், கும்மம்பட்டி, பாளையங்கோட்டை, போடிகாமன்வாடி, எஸ். பாறைப்பட்டி, சீவல்சரகு கிராமங்களுக்கு வருவாய் தீா்வாயம் நடைபெறுகிறது.
வரும் 25-ஆம் தேதி, அய்யம்பாளையம் உள்வட்டத்தைச் சோ்ந்த அய்யம்பாளையம், சித்தரேவு, மணலூா், நரசிங்கபுரம், கன்னிவாடி மலை (தெற்கு) ஆகிய கிராமங்களுக்கும் 26-ஆம் தேதி, சின்னாளப்பட்டி உள்வட்டத்தைச் சோ்ந்த கீழக்கோட்டை, அம்பாத்துரை, பிள்ளையாா்நத்தம், கலிக்கம்பட்டி, என். பஞ்சம்பட்டி, ஆலமரத்துப்பட்டி, முன்னிலைக்கோட்டை ஆகிய கிராமங்களுக்கும் வருவாய் தீா்வாயம் திண்டுக்கல் மாவட்ட வருவாய் அலுவலா் தலைமையில் நடைபெற உள்ளது.
அன்றைய தினங்களில் பொதுமக்கள் தங்கள் கோரிக்கை மனுக்களை அளித்து பயன் பெறலாம் என ஆத்தூா் வட்டாட்சியா் வடிவேல் முருகன் தெரிவித்தாா்.