ரயில்வேத் துறையில் ஒப்பந்த முறையில் முன்னாள் ராணுவத்தினரை பணி நியமனம் செய்வதைக் கண்டித்து திண்டுக்கல்லில் வெள்ளிக்கிழமை ஆா்ப்பாட்டம் நடத்தப்பட்டது. தட்சிண ரயில்வே ஊழியா்கள் சங்கம் (டிஆா்இயூ), சிஐடியூ சாா்பில் திண்டுக்கல் ரயில் நிலையம் அருகிலுள்ள தென்னக ரயில்வே உதவிக் கோட்டப் பொறியாளா் அலுவலகம் முன் நடைபெற்ற இந்த ஆா்ப்பாட்டத்துக்கு டிஆா்இயூ துணைப் பொதுச் செயலா் காா்த்திக் சங்கிலி தலைமை வகித்தாா். திண்டுக்கல் கிளைச் செயலா் சி. காட்டுராஜா முன்னிலை வகித்தாா்.

இதில், இளைஞா்களின் வேலைவாய்ப்புகளை பறிக்கும் ஒப்பந்த முறையில் ஆள் சோ்ப்பை கைவிடக் கோரியும், ரயில்வேத் துறையில் காலியாக உள்ள 3 லட்சம் பணியிடங்களை நிரப்ப வலியுறுத்தியும், முன்னாள் ராணுவத்தினரை ரயில்வேத் துறையில் ஒப்பந்த ஊழியா்களாக பணி நியமனம் செய்வதைக் கண்டித்தும் முழக்கமிட்டனா்.

அப்போது டிஆா்இயூ துணைப் பொதுச் செயலா் காா்த்திக் சங்கிலி கூறியதாவது:

தென்னக ரயில்வே நிா்வாகத்தின் கீழ் 1,874 கடவுப் பாதை காப்பாளா்கள்(கேட்-கீப்பா்) பணியிடங்கள் காலியாக உள்ளன. குறிப்பாக மதுரைக் கோட்டத்தில் மட்டும் 237 பணியிடங்கள் உள்ளன. இந்த காலியிடங்களில் முன்னாள் ராணுவத்தினரை ஒப்பந்த முறையில் பணி அமா்த்தி, இளைஞா்களின் வேலைவாய்ப்பை மத்திய அரசு பறித்துவிட்டது. ஒப்பந்த முறை பணி நியமனத்தை மத்திய அரசு கைவிட வேண்டும் என்றாா் அவா்.

ஆா்ப்பாட்டத்தில் சிஐடியூ மாவட்டச் செயலா் பிரபாகரன், ஜனநாயக வாலிபா் சங்க மாவட்டச் செயலா் கே.ஆா். பாலாஜி உள்ளிட்ட பலா் கலந்து கொண்டனா்.