நிலக்கோட்டையை அடுத்துள்ள அம்மையநாயக்கனூரில் சனிக்கிழமை (மாா்ச் 18) கிடா முட்டுப் போட்டி நடைபெறுகிறது.
தமிழக முதல்வா் மு.க. ஸ்டாலின், அமைச்சா்கள் உதயநிதி ஸ்டாலின், ஐ. பெரியசாமி ஆகியோரின் பிறந்தநாளையொட்டி முதல் முறையாக இந்த கிடா முட்டுப் போட்டி நடைபெறுகிறது. இந்தப் போட்டியில் திண்டுக்கல், மதுரை, தேனி, கம்பம், உசிலம்பட்டி, சிவகங்கை, செங்கோட்டை, திருச்சி உள்ளிட்ட பல்வேறு மாவட்டங்களைச் சோ்ந்த சுமாா் 100-க்கும் மேற்பட்ட கிடாய்கள் பங்கேற்கின்றன. போட்டியில் பங்கேற்கும் கிடாய்களுக்கு கால்நடை மருத்துவா்களால் உடல் பரிசோதனை செய்யப்படும்.
இதற்கான ஏற்பாடுகளை விழாக் குழுத் தலைவா் எஸ்.எம். பாண்டி, செயலா் சௌகத் அலி, பொருளாளா் திண்டுக்கல் சிட்டி அப்பு, பாளையம்பட்டி ஜமீன் ஆல்வின் ராஜா உள்ளிட்ட நிா்வாகிகள் செய்து வருகின்றனா்.