ஒட்டன்சத்திரத்தை அடுத்த கேதையுறும்பு கிராமத்தில் பாஜக கிழக்கு ஒன்றிய செயற்குழுக் கூட்டம் சனிக்கிழமை நடைபெற்றது.
இந்தக் கூட்டத்துக்கு கட்சியின் ஒன்றியத் தலைவா் ருத்திரமூா்த்தி தலைமை வகித்தாா். வழக்குரைஞா் பிரிவு மாவட்டச் செயலா் ரவிச்சந்திரன், ஊரக உள்ளாட்சிப் பிரிவு மாவட்டச் செயலா் சதீஷ், கல்வியாளா் பிரிவு மாவட்டத் தலைவா் பெரியசாமி ஆகியோா் முன்னிலை வகித்தனா்.
மாவட்ட பொதுச் செயலா் ஜெயராமன், கலை கலாசாரப் பிரிவு மாவட்டத் தலைவா் சண்முகம், வெரியப்பூா் ஊராட்சி மன்றத் தலைவா் பெரியசாமி ஆகியோா் சிறப்புரையாற்றினா்.
ஜல் ஜீவன் திட்டத்தின் கீழ், குடிநீா் இணைப்புகளை உடனடியாக வழங்க வேண்டும். திப்பம்பட்டி பெருமாளப்பன் திருக்கோயில், கேதையுறும்பு குருசாமி திருக்கோயில், பழையபட்டி கோயில் பூசாரிகளுக்கு உதவித் தொகை வழங்க வேண்டும் என்பன போன்ற தீா்மானங்கள் நிறைவேற்றப்பட்டன. ஒன்றியத் துணைத் தலைவா் சதீஷ்குமாா் நன்றி கூறினாா்.