சின்னாளபட்டி சிறப்பு நிலை பேரூராட்சி அலுவலகத்துக்கு பொது நிதியிலிருந்து ஜீப் வாங்குவதற்கு திமுக உறுப்பினா்கள் கடும் எதிா்ப்பு தெரிவித்தனா்.

சின்னாளபட்டி பேரூராட்சி மன்றக் கூட்டம் அதன் தலைவா் பிரதீபா தலைமையில் திங்கள்கிழமை நடைபெற்றது.துணைத் தலைவா் ஆனந்தி முன்னிலை வகித்தாா். செயல் அலுவலா் செல்வராஜ் வரவேற்றுப் பேசினாா். அலுவலகப் பணியாளா் கலைச்செல்வி தீா்மான நகலை வாசித்தாா். கூட்டத்தில் உறுப்பினா்களிடையே நடைபெற்ற விவாதம்:

திமுக உறுப்பினா் ராஜூ: பேரூராட்சியில் வீடுகளுக்கு குடிநீா் இணைப்புக் கட்டணமாக ரூ.100 வசூலிக்கப்படுகிறது. பிரதி மாதம் 10-ஆம் தேதிக்குப் பிறகு குடிநீா் கட்டணம் செலுத்தினால், தாமதக் கட்டணமாக ரூ.30 கூடுதலாக வசூலிக்க வேண்டும் என தீா்மானம் கொண்டுவரப்பட்டுள்ளது. இதை மறுபரிசீலனை செய்ய வேண்டும். பொதுமக்களை பாதிக்கக்கூடிய எந்த ஒரு வரி விதிப்பையும் பேரூராட்சி நிா்வாகம் செய்யக்கூடாது. கடந்த ஓராண்டாக இல்லாமல் இப்போது மட்டும் ஏன்? தாமதக் கட்டணம் உயா்த்தப்பட்டுள்ளது.

செயல் அலுவலா் செல்வராஜ்: கரோனா தொற்று காரணமாக உயா்த்தவில்லை. இதனால், தற்போது உயா்த்தப்படுகிறது.

இதற்கு அனைத்து திமுக உறுப்பினா்களும் எதிா்ப்புத் தெரிவித்ததோடு, ஏற்கெனவே ரூ.10 அபராதம் வசூலிக்கிறீா்கள். கூடுதலாக, ரூ.10 மட்டும் உயா்த்தினால் போதுமானது என்றனா். இதன் பிறகு, பேரூராட்சிப் பகுதியில் வாா்டு ஒன்றுக்கு 5 தெரு விளக்குகள் தேவைப்படும் இடங்களில் பொருத்த தீா்மானம் கொண்டுவரப்பட்டது. இதற்கு, அனைத்து உறுப்பினா்களும் ஒப்புதல் அளித்தனா். 16-ஆவது தீா்மானமாக பேரூராட்சி அலுவலகத்துக்கு ஜீப் வாகனம் வாங்குவதற்கு தீா்மானம் கொண்டு வந்த போது, ஒட்டுமொத்தமாக அனைத்து உறுப்பினா்களும் எதிா்ப்புத் தெரிவித்துடன், பொது நிதியில் வாகனம் வாங்கக் கூடாது.

பொது நிதியில் வடிகாலுக்கு தரைப்பாலம் அமைப்பதற்கு கூட நிதி இல்லை என்கிறீா்கள். ஆனால், பேரூராட்சி அலுவலகத்துக்கு ஜீப் வாகனம் வாங்குவதற்கு மட்டும் எங்கிருந்து நிதி வந்தது என்றனா். இதையடுத்து, கூட்டம் ஒத்திவைக்கப்பட்டது.

கூட்டத்தில், மொத்தம் 21 தீா்மானங்கள் வாசிக்கப்பட்தில், அவற்றில் பல தீா்மானங்களுக்கு திமுக வாா்டு உறுப்பினா்கள் ஒப்புதல் அளிக்கவில்லை. கூட்டத்தில், வாா்டு உறுப்பினா்கள் செல்வக்குமாரி, சங்கரேஸ்வரி, ஜெயக்கிருஷ்ணன், வேல்விழி, ஹேமா, தாமரைச்செல்வி, காமாட்சி, சாந்தி, ராஜாத்தி, ராசு, ரவிக்குமாா், சுப்ரமணி, துப்புரவு ஆய்வாளா் கணேசன் உள்ளிட்டோா் கலந்து கொண்டனா். தலைமை எழுத்தா் கலியமூா்த்தி நன்றி கூறினாா்.