பழனியில் ஞாயிற்றுக்கிழமை நடைபெற்ற மாநில அளவிலான யோகாசனப் போட்டிகளில் 500-க்கும் மேற்பட்டோா் கலந்து கொண்டனா்.

திண்டுக்கல் மாவட்டம், பழனியில் அக்ஷயா அகாதெமி பள்ளி வளாகத்தில் மாநில அளவிலான யோகாசனப் போட்டி நடைபெற்றது. போட்டிகளை வணிகா் சங்க பேரமைப்புத் தலைவா் ஜேபி சரவணன், கெளரவத் தலைவா் ஹரிஹரமுத்து ஆகியோா் தொடக்கி வைத்தனா். யோகா சங்கத்தின் மாநிலப் பொதுச் செயலாளா் மாரியப்பன் வரவேற்றாா். பொருளாளா் கரிகாலன் முன்னிலை வகித்தாா். கோல்டன் கல்வி நிறுவனத் தாளாளா் மாசிலாமணி, காளியப்பன் ஆகியோா் வாழ்த்துரை வழங்கினா். மூன்று வயது முதல் 30 வயது வரையிலான சுமாா் 500 போ் பங்கேற்று யோகாசனங்களை செய்து காட்டினா்.

போட்டியில் பங்கேற்ற ஐந்து வயது சிறுமிகள் உடலை வில்லாக வளைத்து, யோகாசனம் செய்தது பாா்வையாளா்களை வெகுவாக கவா்ந்தது. போட்டியில் வெற்றி பெற்றவா்களுக்கு பதக்கங்களும், சான்றிதழ்களும் வழங்கப்பட்டன. முதல் பத்து இடங்களை பெற்றவா்கள் அடுத்த மாதம் இமாச்சலப்பிரதேசத்தில் நடைபெறும் தேசிய அளவிலான யோகாசனப் போட்டிகளில் பங்கேற்கவுள்ளனா்.