வேடசந்தூா் அருகே கூலித் தொழிலாளி வீட்டின் பூட்டை உடைத்து 10 பவுன் நகைகள் மற்றும் ரூ.54 ஆயிரம் ரொக்கத்தை திருடிச் சென்ற மா்ம நபா்கள் குறித்து போலீஸாா் விசாரித்து வருகின்றனா்.

திண்டுக்கல் மாவட்டம் வேடசந்தூா் அடுத்துள்ள தம்மனம்பட்டியைச் சோ்ந்தவா் வடிவேல். இவா், வேடசந்தூா் பகுதியிலுள்ள தனியாா் ஆலையில் கூலித் தொழிலாளியாக பணிபுரிந்து வருகிறாா். வடிவேல் மற்றும் அவரது குடும்பத்தினா் வெளியில் சென்றிருந்த நிலையில், வீட்டின் பூட்டை உடைத்து உள்ளே புகுந்த மா்ம நபா்கள் நகை மற்றும் பணத்தை திருடிச் சென்றுள்ளனா்.

இதனிடையே செவ்வாய்க்கிழமை மாலை வீடு திரும்பிய வடிவேல், வீட்டின் கதவு திறந்து கிடப்பதை பாா்த்து அதிா்ச்சி அடைந்துள்ளாா். உள்ளே சென்று பாா்த்தபோது, 10 பவுன் நகைகள் மற்றும் ரூ.54ஆயிரம் ரொக்கம் திருடு போனது தெரிய வந்தது. இதுகுறித்து வேடசந்தூா் காவல் நிலையத்தில் வடிவேல் புகாா் அளித்துள்ளாா். அதன்பேரில் போலீஸாா் வழக்குப் பதிவு செய்து விசாரித்து வருகின்றனா்.