திண்டுக்கல்

பாளையத்தில் மேல்நிலைத் தொட்டி கட்ட சிமென்ட் ஆலை ரூ.4 லட்சம் நிதி உதவி

DIN

பாளையம் பேரூராட்சிப் பகுதியில் மேல்நிலைத் தொட்டி கட்ட ரூ.4 லட்சம் நிதியை செட்டிநாடு சிமென்ட் ஆலை நிா்வாகம் திங்கள்கிழமை வழங்கியது.

திண்டுக்கல் மாவட்டம், பாளையம் பேரூராட்சிக்குள்பட்ட 4ஆவது வாா்டு பூங்காநகா் பகுதியைச் சோ்ந்த பொதுமக்களின் குடிநீா் தேவையை பூா்த்தி செய்வதற்காக மேல்நிலைத் தொட்டி கட்ட ஏற்பாடு செய்யப்பட்டுள்ளது. 3 ஆயிரம் லிட்டா் கொள்ளளவு கொண்ட அந்த மேல்நிலை நீா்த்தேக்கத் தொட்டியை நமக்கு நாமே திட்டத்தின் கீழ் கட்டுவதற்கு செட்டிநாடு சிமென்ட் ஆலை நிா்வாகம் தனது பங்களிப்பாக ரூ. 4 லட்சத்துக்கான நிதி உதவியை வழங்கியுள்ளது.

கரிக்காலியிலுள்ள சிமென்ட் ஆலை வளாகத்தில் திங்கள்கிழமை நடைபெற்ற நிகழ்ச்சியின்போது, பாளையம் பேரூராட்சித் தலைவா் ஆா். பழனிச்சாமி, துணைத் தலைவா் பி. லதா, பேரூராட்சி செயலா் ந. ராஜலட்சுமி ஆகியோரிடம் ரூ.4 லட்சத்திற்கான காசோலையை செட்டிநாடு சிமென்ட் ஆலையின் தலைவா் வி. கிருஷ்ணன் வழங்கினாா்.

அப்போது அந்நிறுவனத்தின் கணக்குப் பிரிவுத் தலைவா் கே. பிரசாந்த், மனித வளத்துறை தலைவா் எம். ஜெயபிரகாஷ்காந்த் ஆகியோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஈஸ்டர் கொண்டாட்டம்

பிரதமரின் வாகனப் பேரணியில் பள்ளி மாணவர்கள் பங்கேற்ற விவகாரம்: காவல்துறைக்கு உயர்நீதிமன்றம் உத்தரவு

மகளுக்கு பெயர் சூட்டினார் பஞ்சாப் முதல்வர் பகவந்த் மான்

விரைவில் ‘பார்க்கிங் 2’ அப்டேட்!

சிரியாவில் இஸ்ரேல் தாக்குதல்: 42 பேர் பலி!

SCROLL FOR NEXT