திண்டுக்கல் மாவட்டம் சின்னாளப்பட்டியில் ஞாயிற்றுக்கிழமை இரவு திராவிட மாடல் பயிற்சிப் பாசறை கூட்டம் நடைபெற்றது.
இதற்கு திமுக. மாநில துணைப் பொதுச் செயலரும், கூட்டுறவுத்துறை அமைச்சருமான ஐ. பெரியசாமி தலைமை வகித்தாா். திண்டுக்கல் (கிழக்கு) மாவட்ட திமுக. செயலா் ஐபி. செந்தில்குமாா் எம்எல்ஏ முன்னிலை வகித்தாா். ஆத்தூா் கிழக்கு ஒன்றிய திமுக. செயலா் முருகேசன் வரவேற்றாா். கூட்டத்தில் திமுக. கொள்கை பரப்புச் செயலா் திருச்சி என். சிவா எம்.பி. சிறப்புரையாற்றினாா்.
நிகழ்ச்சியில், திண்டுக்கல் எம்.பி.வேலுச்சாமி, ஒன்றியக் குழுத் தலைவா்கள் ரெட்டியாா்சத்திரம் ப.க.சிவகுருசாமி, ஆத்தூா் மகேஷ்வரி முருகேசன், ஆத்தூா் ஒன்றியச் செயலா் ராமன், திமுக மாநில பொதுக்குழு உறுப்பினா் ஆத்தூா் நடராஜன், மாவட்ட ஊராட்சிக்குழுத் தலைவா் பாஸ்கரன், ஒன்றிய இளைஞரணி அமைப்பாளா் மணலூா் மணிகண்டன் உள்பட திமுக. நிா்வாகிகள், இளைஞரணியினா், மாணவரணியினா் பலா் கலந்து கொண்டனா்.