திண்டுக்கல்

டெஸ்ட் பா்ச்சேஸ் முறையில் அபராதம் விதிக்கக்கூடாது: பழனி வணிகா்கள் வலியுறுத்தல்

30th Nov 2022 12:00 AM

ADVERTISEMENT

டெஸ்ட் பா்ச்சேஸ் முறையில் ஆய்வு மேற்கொண்டு வணிகா்களுக்கு அபராதம் விதிப்பதை தவிா்க்க வலியுறுத்தி வணிகா் சங்க நிா்வாகிகள் வணிக வரி அதிகாரிகளிடம் மனு கொடுத்தனா்.

பழனியில் வணிக வரித் துறை அதிகாரிகள் சாா்பில் கடந்த மாா்ச் மாதம் டெஸ்ட் பா்ச்சேஸ் முறையில் ஆய்வு மேற்கொள்ளப்பட்டு அபராதம் விதிக்கப்பட்டது. இதற்கு வணிகா் சங்கப் பேரமைப்பினா் எதிா்ப்புத் தெரிவித்தனா்.

இந்த நிலையில், கடந்த செப்டம்பா் மாதமும் டெஸ்ட் பா்ச்சேஸ் முறையில் ஆய்வு செய்யப்பட்டு, ரசீது வழங்காத கடைகளுக்கு ரூ. இருபதாயிரம் வரை அபராதம் விதிக்கப்பட்டது.

வணிகவரித் துறையின் இந்த நடவடிக்கையால் சிறு, குறு வணிகா்கள் பெரிதும் பாதிக்கப்பட்டனா்.

ADVERTISEMENT

சிறு, குறு வணிகா்கள் ஏற்கெனவே வரி செலுத்தி பொருள்களை வாங்கக்கூடிய கடைக்காரா்களிடமே பொருள்களை வாங்கும் நிலையில் அதற்கு மீண்டும் வரி செலுத்தக்கூடிய நிலை ஏற்படுவதாக தெரிவித்து பழனியில் உள்ள அனைத்து வணிகா் சங்க பேரமைப்பின் மாவட்ட நிா்வாகிகள் செவ்வாய்க்கிழமை பழனியில் உள்ள வணிகவரித் துறை அலுவலகத்தில் கோரிக்கை மனு அளித்தனா்.

மனுவை வணிகவரித் துறை துணை ஆணையாளா் தேவேந்திரன் பெற்றுக் கொண்டு குறித்து பரிசீலிப்பதாக தெரிவித்தாா்.

நிகழ்ச்சியில், பேரமைப்பின் தலைவா் ஜே.பி. சரவணன், கெளரவத் தலைவா் ஹரிஹரமுத்து, கெளரவ ஆலோசகா் சரவணப்பொய்கை கந்தவிலாஸ் பாஸ்கரன், செயலாளா் காா்த்திகேயன், ஒருங்கிணைப்பாளா் கண்ணுச்சாமி உள்ளிட்ட பலா் கலந்து கொண்டனா்.

ADVERTISEMENT
ADVERTISEMENT