திண்டுக்கல்

கஞ்சா வியாபாரிகளின்ரூ.15.20 லட்சம் சொத்துக்கள் முடக்கம்

DIN

சாணாா்பட்டி பகுதியைச் சோ்ந்த கஞ்சா வியாபாரிகள் மற்றும் அவா்களது குடும்பத்தினருக்கு சொந்தமான ரூ.15.20 லட்சம் மதிப்பிலான அசையா சொத்துக்களை முடக்க போலீஸாா் நடவடிக்கை மேற்கொண்டுள்ளனா்.

திண்டுக்கல் மாவட்டம் நத்தத்திலிருந்து செந்துறை செல்லும் வழியில் கஞ்சா கடத்தி வந்த சாணாா்பட்டி அடுத்துள்ள அஞ்சுகுழிப்பட்டியைச் சோ்ந்த அ. குணசேகரன், பொ. அழகு, மு. அம்சுபாண்டி ஆகிய 3 பேரை கடந்த பிப்ரவரி மாதம் நத்தம் போலீஸாா் கைது செய்தனா். அவா்களிடமிருந்து 140 கிலோ கஞ்சா பறிமுதல் செய்யப்பட்டது.

பின்னா் 3 பேரும் குண்டா் தடுப்புச் சட்டத்தின் கீழ் சிறையில் அடைக்கப்பட்டனா். இதனிடையே கஞ்சா வியாபாரிகள் மற்றும் அவா்களது குடும்பத்தினரின் சொத்துக்களை முடக்குவதற்கு தென் மண்டல காவல்துறைத் தலைவா் அஸ்ரா காா்க் உத்தரவிட்டாா். அதன் தொடா்ச்சியாக, சாணா்பட்டி பகுதியிலுள்ள குணசேகரன், அழகு உள்ளிட்டோரின் சொத்துக்களை கண்டறிவதற்கு மாவட்ட காவல் கண்காணிப்பாளா் வீ. பாஸ்கரன் தலைமையில் 6 தனிப்படைகள் அமைக்கப்பட்டன.

இந்நிலையில் குணேசேகரனின் மனைவி சரண்யாவுக்கு சொந்தமான வீட்டு மனை, அம்சுபாண்டி மற்றும் அவரது சகோதரா் சுரேஷ் ஆகியோருக்கு சொந்தமான நிலம், சுரேஷின் மனைவி மகேஸ்வரிக்கு சொந்தமான வீடு மற்றும் நிலம் என ரூ.15.20 லட்சம் மதிப்பிலான அசையா சொத்துக்களை முடக்குவதற்கு நடவடிக்கை எடுக்கப்பட்டுள்ளது. இந்த சொத்துக்கள் மீது ஆணை பெறுவதற்காக நீதித்துறை அதிகாரம் பெற்ற அமைப்பு அதிகாரியிடம் கோப்புகள் சமா்ப்பிக்கப்பட்டுள்ளதாக மாவட்ட காவல் கண்காணிப்பாளா் வீ.பாஸ்கரன் தெரிவித்துள்ளாா்.

கஞ்சா விற்பனையில் ஈடுபடுவோா் மீது கடும் நடவடிக்கை எடுக்கப்படுவதோடு, குண்டா் தடுப்புச் சட்டத்தின் கீழ் சிறையில் அடைக்கவும், சொத்துக்களை முடக்குவதற்கான நடவடிக்கைகளும் மேற்கொள்ளப்படும் என எச்சரித்துள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விளம்பரதாரர் நிகழ்வில் பாலிவுட் நடிகைகள் - புகைப்படங்கள்

கூகுள் மேப்பில் புதிய வசதிகள்: ஏஐ இணைப்பு பலனளிக்குமா?

ஆஸி. ஒப்பந்தப் பட்டியல் வெளியீடு: ஸ்டாய்னிஸ் உள்பட முக்கிய வீரர்கள் இல்லை!

இதுவல்லவா ஃபீல்டிங்...

ரஜினி 171: படத் தலைப்பு டீசர் அறிவிப்பு!

SCROLL FOR NEXT