திண்டுக்கல்

சாா்பு-ஆய்வாளருக்கான எழுத்துத் தோ்வு: 5,474 போ் பங்கேற்பு

25th Jun 2022 10:57 PM

ADVERTISEMENT

 

நேரடி சாா்பு-ஆய்வாளா் பணியிடங்களுக்கான எழுத்துத் தோ்வில் திண்டுக்கல் மாவட்டத்தில் 5,474 போ் சனிக்கிழமை பங்கேற்றனா். தமிழகம் முழுவதும் சாா்பு-ஆய்வாளா் பணியிடங்களுக்கான எழுத்துத் தோ்வு நடைபெற்றது. இத்தோ்வுக்காக திண்டுக்கல் மாவட்டத்தில் எஸ்.எஸ்.எம். கல்விக் குழுமங்கள், பிஎஸ்என்ஏ கல்லூரி உள்பட 7 மையங்களில் தோ்வுக் கூடங்கள் அமைக்கப்பட்டிருந்தன.

நேரடி சாா்பு-ஆய்வாளா் பணியிடங்களுக்கான பொது எழுத்துத் தோ்வு சனிக்கிழமை முற்பகல் நடைபெற்றது. இத்தோ்வுக்கு 5,215 ஆண்கள், 1,278 பெண்கள் என 6,493 போ் விண்ணப்பித்திருந்தனா்.அதில் 4,411 ஆண்கள், 1,063 பெண்கள் என மொத்தம் 5,474 போ் பொது எழுத்துத் தோ்வில் பங்கேற்றனா்.

தமிழ் தகுதித் தோ்வு: அதனைத் தொடா்ந்து சனிக்கிழமை பிற்பகல் தமிழ் தகுதித் தோ்வு நடைபெற்றது. முதல்முறையாக நடைபெறும் இத்தோ்வில், நேரடி விண்ணப்பதாரா்கள் மட்டுமின்றி, காவல்துறையினருக்கான 20 சதவீத ஒதுக்கீட்டில் விண்ணப்பித்தவா்களும் பங்கேற்றனா். அதன்படி, தமிழ் தகுதித் தோ்வில், 4,942 ஆண்கள் மற்றும் 1,393 பெண்கள் என மொத்தம் 6102 போ் பங்கேற்றனா். மொத்தம் 1,144 போ் தமிழ் தகுதித் தோ்வில் பங்கேற்கவில்லை.

ADVERTISEMENT

 

ADVERTISEMENT
ADVERTISEMENT