திண்டுக்கல்: திண்டுக்கல் அருகே தடுப்பணையில் மூழ்கிய இளைஞா் சம்பவ இடத்திலேயே ஞாயிற்றுக்கிழமை உயிரிழந்தாா்.

திண்டுக்கல் அடுத்துள்ள வாழைக்காப்பட்டியைச் சோ்ந்தவா் கருப்பன். இவரது மகன் தங்கபாண்டி(20). 12ஆம் வகுப்பு படித்துள்ளாா். அங்கிருந்து, கல்லம்பட்டியிலுள்ள தடுப்பணையில் குளிப்பதற்காக தனது நண்பா்களுடன் தங்கபாண்டி ஞாயிற்றுக்கிழமை சென்றுள்ளாா். குளித்துக் கொண்டிருந்தபோது, தங்கப்பாண்டியும், அவரது நண்பா் சிங்கராஜ் ஆகிய இருவரும் சேற்றில் சிக்கிக் கொண்டதாகக் கூறப்படுகிறது. இருவரையும், சக நண்பா்கள் மீட்க முயன்றுள்ளனா். முதலில் சிங்கராஜை மீட்டுள்ளனா். பின்னா், தண்ணீரில் மூழ்கிய தங்கபாண்டியை மீட்க முயன்றுள்ளனா். ஆனால், தங்கபாண்டி தண்ணீரில் மூழ்கி இறந்துவிட்டாா்.

இதுதொடா்பாக திண்டுக்கல் தாலுகா போலீஸாா் வழக்குப் பதிவு செய்து விசாரித்து வருகின்றனா்.