திண்டுக்கல்

நகா்ப்புற உள்ளாட்சித் தோ்தல்: தோ்தல் அலுவலா்களுக்கு 3 கட்ட பயிற்சி

1st Feb 2022 08:58 AM

ADVERTISEMENT

திண்டுக்கல் மாவட்டத்தில் நகா்ப்புற உள்ளாட்சித் தோ்தல் பணியில் ஈடுபடவுள்ள 2,709 வாக்குப் பதிவு அலுவலா்களுக்கு, 3 கட்டங்களாகப் பயிற்சி அளிக்கப்படுகிறது.

இது தொடா்பாக மாவட்டத் தோ்தல் அலுவலரும், ஆட்சியருமான ச.விசாகன் தெரிவித்துள்ளதாவது: திண்டுக்கல் மாவட்டத்திலுள்ள 27 நகா்ப்புற உள்ளாட்சி அமைப்புகளுக்கான தோ்தல் அறிவிக்கப்பட்டுள்ளது. இதையடுத்து, தோ்தலில் வாக்குப்பதிவு பணியில் ஈடுபடவுள்ள வாக்குப் பதிவு அலுவலா்களுக்கு 3 கட்ட பயிற்சி முகாம் நடைபெற்று வருகிறது.

ஜனவரி 31, பிப்ரவரி 9 மற்றும் 18 ஆகிய தேதிகளில் 11 இடங்களில் இந்த பயிற்சி முகாம் நடைபெறுகிறது. இப்பயிற்சி முகாம்களில் 2,709 வாக்குப்பதிவு அலுவலா்களுக்குப் பயிற்சி அளிக்கப்படுகிறது.

கரோனா தொற்று பரவல் தடுப்பு நடவடிக்கைகள் மேற்கொள்ளவும், இப்பயிற்சி முகாமின்போது விளக்கம் அளிக்கப்படுகிறது எனத் தெரிவித்துள்ளாா்.

ADVERTISEMENT

ADVERTISEMENT
ADVERTISEMENT