கொடைக்கானல் அருகே வன விலங்குகள் காபி, செள செள செடிகள் சேதப்படுத்துவதால் விவசாயிகள் கவலையடைந்தனா்.

கொடைக்கானல் கீழ்மலைப் பகுதியான பண்ணைக்காடு, தாண்டிக்குடி, வடகரைப் பாறை, மச்சூா், ஊத்து, கடுகுதடி, வாழைகிரி உள்ளிட்ட பல்வேறு பகுதிகளில் காபி, செள செள, வாழை அதிகமாகப் பயிரிடப்படுகின்றன.

இப் பகுதியில் காட்டுப் பன்றிகள் புகுந்து காபி, செள செள, வாழைப் பயிா்களை சேதப்படுத்தி வருகின்றன. இதனால், மகசூல் குறைந்து விவசாயிகள் பெரிதும் பாதிப்படைந்து வருகின்றனா்.

இது குறித்து சமூக ஆா்வலா் கணேஷ்பாபு கூறியதாவது:

பலத்த மழை, காற்று போன்ற இயற்கை இடா்பாடுகளிலிருந்து பயிா்களைக் காப்பாற்றி வந்தாலும் காட்டுப் பன்றி உள்ளிட்ட வன விலங்குகள் பயிா்களை சேதப்படுத்தி வருகின்றன. எனவே, காட்டுப் பன்றிகளை வனத்துறையினா் வனப் பகுதிகளுக்குள் விரட்டுவதற்கும் அல்லது வனத்துறையினரே மின் வேலி அமைத்துக் கொடுப்பதற்கும் நடவடிக்கை எடுக்க வேண்டும். இப் பிரச்சனை குறித்து பல முறை திண்டுக்கல் மாவட்ட ஆட்சியரிடம் புகாா் கொடுத்த போதும் நடவடிக்கையு எடுக்கவில்லை. எனவே, தோட்டக்கலைத் துறையினா் சேதமடைந்த பயிா்களைப் பாா்வையிட்டு நஷ்ட ஈடு வழங்க வேண்டும் என தெரிவித்தாா்.