திண்டுக்கல்

சித்தரேவு ஊராட்சி மன்ற செயலா், மணலூா் ஊராட்சிக்கு பணி இடமாற்றம்

5th Dec 2022 12:00 AM

ADVERTISEMENT


நிலக்கோட்டை: ஆத்தூா் ஊராட்சி ஒன்றியம், சித்தரேவு ஊராட்சி மன்ற செயலா் மணலூா் ஊராட்சிக்கு பணி இடமாற்றம் செய்து, வட்டார வளா்ச்சி அலுவலா் (கி.ஊ) நடவடிக்கை எடுத்துள்ளாா்.

திண்டுக்கல் மாவட்டம், ஆத்தூா் ஊராட்சி ஒன்றியம், சித்தரேவு ஊராட்சி செயலா் சிவராஜன், இவா், ஊராட்சிப் பணிகளையும், திட்டப்பணிகளையும் செய்யாமல் ஊராட்சி நிா்வாகத்தை முடக்க காரணமாக இருந்தது அதிகாரிகள் ஆய்வில் தெரியவந்தது. சித்தரேவு ஊராட்சி பொது மக்கள் சுமாா் 180 போ் தகவல் அறியும் உரிமை சட்டத்தின்கீழ் பல்வேறு தகவல்கள் கோரியிருந்தனா். மேற்படி தகவல்களை இதுவரை மனுதாரா்களுக்கும் அனுப்பவில்லை.

அதன் நகல்களை ஊராட்சி ஒன்றிய அலுவலகத்திற்கும் சமா்ப்பிக்கவில்லை எனவும், மகாத்மா காந்தி தேசிய ஊரக வேலை உறுதி திட்ட வேலைகளில் பயனாளிகளின் வருகையை கண்காணிக்க தவறிவிட்டாா் எனவும், பணித்தளங்களில் எண்ணிக்கையை சரிபாா்க்கததால், கூடுதல் செலவினங்கள் ஏற்பட காரணமாக இருந்தது மற்றும் 1 முதல் 9 பதிவேடுகள் ஆய்வுக்கு சமா்பிக்கவில்லை, உள்ளிட்ட பல்வேறு புகாா்கள் குறித்து அதிகாரியின் விசாரணையில் தெரிய வந்ததால், சித்தரேவு ஊராட்சி மன்ற செயலா் 

சிவராஜன், மணலூா் ஊராட்சி மன்ற செயலராக   பணியிட மாற்றம் செய்து, ஆத்தூா் வட்டார வளா்ச்சி அலுவலா் (கி.ஊ)  ஏழுமலையான் உத்தரவிட்டுள்ளாா். இந்நிலையில் மணலூா் ஊராட்சி மன்ற செயலராக இருந்த திருப்பதி என்பவா் சித்தரேவு ஊராட்சி மன்ற செயலராக பணி நியமனம் செய்துள்ளாா். மணலூா் ஊராட்சி மன்ற செயலராக பணியிடம் மாற்றம் செய்யப்பட்ட சிவராஜன் போடிக்காமன்வாடி ஊராட்சி மன்ற செயலராக கூடுதல் பொறுப்பு கவனிப்பாா் எனவும் அதிகாரி உத்தரவிட்டுள்ளாா்.

ADVERTISEMENT

ADVERTISEMENT
ADVERTISEMENT