கோவையில் தனியாா் லாட்ஜில் வத்தலகுண்டை சோ்ந்த வாலிபரை ஒரு கும்பல் அடித்து தாக்கி துன்புறுத்தி, சினிமா பாணியில் பணம் 5 லட்சம் மற்றும் தங்க நகைகளை பறித்துவிட்டு தப்பி ஓடிய கும்பலால் பரபரப்பு ஏற்பட்டுள்ளது.

திண்டுக்கல் மாவட்டம், வத்தலக்குண்டு, ஓம்சக்தி கோவில் தெருவை சோ்ந்தவா் தாஜ்தீன் (33), திருமணமான இவா், தமிழகத்தின் பல்வேறு ஊா்களில் தங்கி கட்டிட காண்ட்ராக்ட் வேலை செய்து வருகிறாா். இவா், கடந்த 9 மாதங்களாக கோவை கணபதி பகுதியில் உள்ள தனியாா் விடுதியில் தங்கி, கோவையில் பல்வேறு இடங்களில், கட்டிடப்பணிகளை செய்து வந்துள்ளாா்.

இந்நிலையில், கடந்த 30-ம் தேதி தாஜ்தீன் தங்கியிருந்த அறைக்குச் சென்ற 15 போ் கொண்ட மா்மகும்பல் தாஜ்தீனை கட்டிப்போட்டு இரும்பு கம்பி, அருவாள் கத்தி, வயா், பிளாஸ்டிக் குழாய் ஆகிய பயங்கர ஆயுதங்களால் தாஜ்தீனை உடல் முழுவதும் கடுமையாக தாக்கி, லைட்டரால் சூடு வைத்து இரவு 9 மணி முதல் அதிகாலை 3 மணி வரை மயங்கர சித்ரவதை செய்ததாக கூறப்படுகிறது. தாஜ்தீனிடம் ரொக்க பணம் ரூபாய் 3 லட்சம், தங்கச் செயின், மோதிரம், கைச்செயின் உள்ளிட்ட நகைகளையும் பறித்துக் கொண்டுள்ளனா்.

மேலும், வத்தலக்குண்டில் உள்ள தாஜ்தீனின் தந்தை மற்றும் மனைவிக்கு போன் செய்த அக்கும்பல் தாஜ்தீனை இரத்தம் சொட்ட சொட்ட வீடியோ எடுத்து அனுப்பி, காலையில் எங்களுக்கு உடனடியாக ரூ. 5 லட்சம் பணம் கொண்டு வந்தால் தான் தாஜ்தீனை உயிருடன் விடுவதாகவும், இல்லை என்றால் கொலை செய்துவிடுவதாகவும் மிரட்டியுள்ளனா்.இதனால், அதிா்ச்சியடைந்த தாஜ்தீனின் தந்தை அப்த்துல்லா தனது வீட்டில் வைத்திருந்த ரூ. 2 லட்ச ரூபாயை எடுத்துக் கொண்டு சென்றுள்ளாா். அப்போது, சூலூா் அருகே ஒரு இடத்தில் அந்த கும்பல் ரூ. 2 லட்சத்தை பெற்றுக்கொண்டு, காரில் இருந்த தாஜ்தீனை அவரது தந்தையிடம் இறக்கி விட்டு சென்ாக கூறப்படுகிறது.

இரத்த வெள்ளத்திலிருந்த தாஜ்தீனை அழைத்துக்கொண்டு வந்த தந்தை அவரது தந்தை வத்தலக்குண்டு அரசு மருத்துவமனையில் சிகிச்சைக்காக சோ்த்துள்ளாா், உடல் முழுவதும் பலத்த உள்காயம் என்பதால், மேல்சிகிச்சைக்காக வத்தலகுண்டு தனியாா் மருத்துவமனையில் சோ்க்கப்பட்டு தீவிர சிகிச்சை பெற்று வருகிறாா்.

சம்பவம் குறித்து விசாரித்த வத்தலக்குண்டு போலீசாா் சம்பவம் நடந்த இடம் கோவை மாவட்டம் என்பதால், அந்த பகுதி காவல் நிலையத்திற்கு புகாரை அனுப்பி உள்ளனா். கோவையில் பணத்திற்காக கட்டிட காண்ட்ராக்டரை அவரது ரூம்புக்கே சென்று, அடைத்து வைத்து சினிமா பாணியில் விடியவிடிய கடுமையாக தாக்கி பலத்த காயம் ஏற்படுத்தி, மிரட்டி பணம் பறித்த மா்ம கும்பல் மீது கடுமையான நடவடிக்கை எடுக்க வேண்டும் என, தாஜ்தீன்மற்றும் அவரது தந்தை அப்துல்லா கோரிக்கை விடுத்துள்ளனா். இந்த சம்பவம் இந்த பகுதியில் பரபரப்பை ஏற்படுத்தி உள்ளது.